ହାଇଦ୍ରାବାଦ:ବାବର ଆଜମଙ୍କ ନେତୃତ୍ବରେ ପାକିସ୍ତାନ ଟିମ ଆଜି ଓଲ୍ଡ ଟ୍ରେଫର୍ଡରେ ଘରୋଇ ଦଳ ବିପକ୍ଷରେ ଗ୍ରାଉଣ୍ଡକୁ ଓହ୍ଲାଇବ । ଘରୋଇ ଦଳ ଇୟୋନ ମୋର୍ଗନଙ୍କ ନେତୃତ୍ବରେ ଟି20 ସିରିଜ ଖେଳିବ ଇଂଲଣ୍ଡ । ଭାରତୀୟ ସମୟାନୁସାରେ ଆଜି 3ମ୍ୟାଚ ବିଶିଷ୍ଟ ଟି-20 ସିରିଜର ପ୍ରଥମ ମ୍ୟାଚ ରାତି 10.30ରେ ଆରମ୍ଭ ହେବ । ଏହାପୂର୍ବରୁ ଉଭୟ ଦଳ ମଧ୍ୟରେ ଟେଷ୍ଟ ମ୍ୟାଚ ଖେଳାଯାଇଥିଲା । ଭ୍ରମଣକାରୀ ଦଳକୁ 1-0ରେ ପରାଜୟର ସାମ୍ନା କରିବାକୁ ପଡିଥିଲା ।
ତେବେ ଦେଖିବାକୁ ଗଲେ ଟି-20 କ୍ରିକେଟରେ ଉଭୟ ଦଳ ମଧ୍ୟରେ ଇଂଲଣ୍ଡର ପଲା ଭାରୀ ରହିଛି । କାରଣ ଏଯାଏଁ ଇଂଲଣ୍ଡ-ପାକିସ୍ତାନ ମଧ୍ୟରେ 15ଟି ମୁକାବିଲା ଖେଳାଯାଇଛି । ସେଥିମଧ୍ୟରୁ ଇଂଲଣ୍ଡକୁ 10ଟି ମ୍ୟାଚରେ ବିଜୟ ମିଳିଥିବାବେଳେ 4ଟି ମ୍ୟାଚରେ ପରାଜୟ ମିଳିଛି । ଆଉ ଗୋଟିଏ ମ୍ୟାଚ ଡ୍ର ରହିଛି ।