ସାଉଥମ୍ପଟନ: ଘରୋଇ ଦଳ ଇଂଲଣ୍ଡ ଆଗୁଆ ଟି-20 ସିରିଜ ନିଜ ନାଁରେ କରିଛି । ଇଂଲଣ୍ଡ ଦଳ ଅଷ୍ଟ୍ରେଲିଆ ବିପକ୍ଷ 3 ମ୍ୟାଚ ବିଶିଷ୍ଟ ଟି-20 ସିରିଜରେ 2-0ରେ ଅଗ୍ରଣୀ ହାସଲ କରିଛି । ରବିବାର ଦ ରୋଜ ବାଉଲ ଷ୍ଟାଡିୟମରେ ଉଭୟ ଦଳ ମଧ୍ୟରେ 2ୟ ମ୍ୟାଚ ଖେଳାଯାଇଥିଲା । ଏହି ମ୍ୟାଚ କଙ୍ଗାରୁ ଦଳ ପାଇଁ ବେଶ ଗୁରୁତ୍ବପୂର୍ଣ୍ଣ ରହିଥିଲା । ମାତ୍ର ଇଂଲଣ୍ଡ ବୋଲିଂରେ ଧରାଶୟୀ ହୋଇଥିଲା କଙ୍ଗାରୁ ଟିମ । ତେବେ ଇଂଲଣ୍ଡ ଦଳ 6 ଓ୍ବିକେଟରେ ଅତିଥି ଦଳ ଅଷ୍ଟ୍ରେଲିଆକୁ ମାତ୍ ଦେଇଛି ।
2ୟ ମ୍ୟାଚରେ କଙ୍ଗାରୁ ଦଳ ପ୍ରଥମେ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା । ନିର୍ଦ୍ଧାରିତ ଓଭରରେ 7 ଓ୍ବିକେଟ ବିନିମୟରେ 157ରନ ସଂଗ୍ରହ କରିଥିଲା ଅଷ୍ଟ୍ରେଲିଆ । ଦଳ ପକ୍ଷରୁ ସର୍ବାଧିକ 40 ରନ ଫିଞ୍ଚ କରିଛନ୍ତି । ସେହିପରି ଷ୍ଟଇନିସ 35 କରିଥିବାବେଳେ ମ୍ୟାକ୍ସଓ୍ବେଲ 26, ଅଗର 23, କମିନ୍ସ 13, ସ୍ମିଥ 10,ଷ୍ଟାର୍କ 2, ଏଲେକ୍ସ 2ରନ ଓ ଓ୍ବାର୍ଣ୍ଣର ଜିରୋରେ ଆଉଟ ହୋଇଥିଲେ ।