ମାଞ୍ଚେଷ୍ଟର: ଦ୍ୱିତୀୟ ଦିନିକିଆରେ ଘରୋଇ ଇଂଲଣ୍ଡ ପ୍ରଥମେ ବ୍ୟାଟିଂ କରି ନିର୍ଧାରିତ 50 ଓଭରରେ 231 ରନ କରିଛି । ଫଳରେ ଅଷ୍ଟ୍ରେଲିଆ ସାମ୍ନାରେ 232 ରନରେ ବିଜୟ ଲକ୍ଷ୍ୟ ରହିଛି ।
ଦଳ ପକ୍ଷରୁ କ୍ୟାପଟେନ ଇଆନ ମୋର୍ଗାନ ସର୍ବାଧିକ 42 ରନର ଇଂନିସ ଖେଳିଥିଲେ । ଜୋ ରୁଟ 39, ଟସ କରନ 37, ଆଦିଲ ରସିଦ 35 ଓ ଜେସନ ରୟ 21 ରନ କରି ଆଉଟ ହୋଇଥିଲେ ।
ଅଷ୍ଟ୍ରେଲିଆ ପକ୍ଷରୁ ସ୍ପିନର ଆଡାମ ଜାମ୍ପା ଘାତକ ଦମଦାର ପ୍ରଦର୍ଶନ କରିଥିଲେ । 10 ଓଭରରୁ 36 ରନ ବ୍ୟୟରେ 3ଟି ୱିକେଟ ଅକ୍ତିଆର କରିଥିଲେ । ମିଚେଲ ଷ୍ଟାର୍କଙ୍କୁ 2ଟି ୱିକେଟ ମିଳିଥିବାବେଳେ, ହେଜଲଉଡ, କମିନ୍ସ ଓ ମିଚେଲ ମାର୍ଶ ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ ।
ପୂର୍ବରୁ ପ୍ରଥମ ଦିନିକିଆରେ ବିଜୟ ସହ ସିରିଜରେ 1-0ରେ ଆଗୁଆ ରହିଛି ଭ୍ରମଣକାରୀ ଅଷ୍ଟ୍ରେଲିଆ । ଫଳରେ ଦ୍ବିତୀୟ ମ୍ୟାଚକୁ ଜିତି ଆଗୁଆ ସିରିଜ ବିଜୟ ଲକ୍ଷ୍ୟରେ ରହିଛି ଅଷ୍ଟ୍ରେଲିଆ ।
ବ୍ୟୁରୋ ରିପୋର୍ଟ, ଇଟିଭି ଭାରତ