ସାଉଥମ୍ପଟନ: ଇଂଲଣ୍ଡ-ଅଷ୍ଟ୍ରେଲିଆ ମଧ୍ୟରେ ଟି-20 ସିରିଜର ପ୍ରଥମ ମ୍ୟାଚ ଶୁକ୍ରବାର ଦିନ ଦ ରୋଜ ବାଉଲ ଠାରେ ଖେଳାଯାଇଛି । ଉଭୟ ଦଳ ମଧ୍ୟରେ ରୋମାଞ୍ଚକର ମ୍ୟାଚ ଦେଖିବାକୁ ମିଳିଥିଲା । ତେବେ ଏହି ଟି-20 ସିରିଜର ପ୍ରଥମ ମ୍ୟାଚରେ ଘରୋଇ ଦଳ ଅଷ୍ଟ୍ରେଲିଆ ଟିମକୁ 2 ରନ୍ରେ ମାତ୍ ଦେଇଛି । 66ରନର ସାନଦାର ପାଳି ଖେଳିଥିବା ଡେଓ୍ବିଡ ମଲାନଙ୍କୁ 'ମ୍ୟାନ ଅଫ୍ ଦି ମ୍ୟାଚ ' ମିଳିଛି ।
ଭ୍ରମଣକାରୀ ଦଳ ଅଷ୍ଟ୍ରେଲିଆ ପ୍ରଥମେ ଟସ ଜିତି ବିପକ୍ଷ ଦଳ ଇଂଲଣ୍ଡକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ତେବେ ଇଂଲଣ୍ଡ ନିର୍ଦ୍ଧାରିତ ଓଭରରେ 7 ଓ୍ବିକେଟ ବିନିମୟରେ 162ରନ ସଂଗ୍ରହ କରିଥିଲା । ଦଳ ପକ୍ଷରୁ ମଲାନ ସର୍ବାଧିକ 66 ରନ ସଂଗ୍ରହ କରିଛନ୍ତି । ସେହିପରି ଜୋସ ବଟଲକ 44 ରନ ସଂଗ୍ରହ କରିଥିଲେ ।