ମାଞ୍ଚେଷ୍ଟର: ବୋଲରଙ୍କ ଘାତକ ବୋଲିଂ ଫଳରେ ଇଣ୍ଡିଜ ବିପକ୍ଷ 3ୟ ତଥା ଅନ୍ତିମ ଟେଷ୍ଟରେ 269 ରନରେ ବିଜୟୀ ହୋଇଛି ଇଂଲଣ୍ଡ । ଏଥିସହିତ 2-1ରେ ୱିସଡେନ ସିରିଜ କବ୍ଜା କରିଛି ଇଂଲଣ୍ଡ । ମହାମାରୀ କୋରୋନା ଭାଇରସ ମଧ୍ୟରେ ଜୈବ ସୁରକ୍ଷିତ ପରିବେଶ ଓ ବିନା ଦର୍ଶକରେ ଅନ୍ତର୍ଜାତୀୟ କ୍ରିକେଟର ପ୍ରଥମ ସିରିଜ ଖେଳାଯାଇଥିଲା ।
ଇଂଣ୍ଡିଜର ଦ୍ବିତୀୟ ଇଂନିସରେ କ୍ରିସ ୱିର୍କ୍ସ କ୍ୟାରିୟରର 4ର୍ଥଥର 5 ୱିକେଟ ହାସଲ କରି ବିଜୟରେ ପ୍ରମୁଖ ଭୁମିକା ନିଭାଇଥିଲେ । ପୂର୍ବରୁ ଭେଟେରାନ ଷ୍ଟୁଆର୍ ବ୍ରଡ ଟେଷ୍ଟ କ୍ରିକେଟ ଇତିହାସରେ ବିଶ୍ବର ସପ୍ତମ ବୋଲର ଭାବେ 500 ଟେଷ୍ଟ ୱିକେଟ ପୂରଣ କରିଥିଲେ ।
ମଧ୍ୟାହ୍ନ ଭୋଜନ ବିରତି ସୁଦ୍ଧା ଇଣ୍ଡିଜ ଦଳ 84/5ରେ ସଂଘର୍ଷ କରିବା ସହ ବିଜୟ ପାଇଁ ଅଧିକ ଅସମ୍ଭବ 315 ରନ ଆବଶ୍ୟକ କରୁଥଛିଲା । ତେବେ ବର୍ଷା ବାଧାପ୍ରାପ୍ତ 5ମ ଦିନରେ ଇଂଲଣ୍ଡ ନିୟମିତ ୱିକେଟ ହାସଲ କରି ବିଜୟ ସୁନିଶ୍ଚିତ କରିଥିଲା ।
ପ୍ରଥମ ଇଂନିସରେ ଇଂଲଣ୍ଡ ପକ୍ଷରୁ ସର୍ବାଧିକ 91 ରନର ଇଂନିସ ଖେଳିଥିଲେ ଓଲି ପୋପ । ଜସ ବଟଲରଙ୍କ 67, ରରି ବର୍ଣ୍ଣସ 57 ଓ ବ୍ରଡଙ୍କ 62 ରନ ବଳରେ ଇଂଲଣ୍ଡ ବିଶାଳ 369 ରନ କରିଥିଲା ।