ମାଞ୍ଚେଷ୍ଟର: ଇଂଲଣ୍ଡ-ଇଣ୍ଡିଜ ମଧ୍ୟରେ 3ୟ ତଥା ନିର୍ଣ୍ଣାୟକ ଟେଷ୍ଟର 2ୟ ଦିନ ଖେଳ ଜାରି ରହିଛି । ଇଂଲଣ୍ଡ ପ୍ରଥମ ଇଂନିସରେ 369 ରନରେ ଅଲଆଉଟ ହୋଇଛି । ପେସର ଷ୍ଟୁଆର୍ଟ ବ୍ରଡ 45 ବଲରୁ ଦ୍ରୁତ 62 ରନର ଅର୍ଦ୍ଧଶତକୀୟ ଇଂନିସ ଖେଳି ଇଂଲଣ୍ଡକୁ ଦୃଢ ସ୍ଥିତିରେ ପହଞ୍ଚାଇଛନ୍ତି ।
ପୂର୍ବରୁ ଓଲି ପୋପ ଓ ଜୟ ବଟଲର ପ୍ରଥମ ଦିନର ଅସମାପ୍ତ ସ୍କୋରରୁ ଇଂନିସ ଆରମ୍ଭ କରିଥିଲେ । ଓଲି ପୋପ 150 ବଲରୁ 91 ଓ ଜସ ବଟଲର 142 ବଲରୁ 67 ରନରେ ଆଉଟ ହୋଇଥିଲେ । ତେବେ ଶେଷ ଭାଗରେ ବ୍ରଡ ଆକ୍ରମଣାତ୍ମକ ରଣନୀତି ସହ ଅର୍ଦ୍ଧଶତକ ହାସଲ କରିଥିଲେ । ଏଥିସହିତ ଇଂଲଣ୍ଡର ସ୍କୋର 300 ପାର କରାଇଥିଲେ ।