ନୂଆଦିଲ୍ଲୀ: ଟିମ୍ ଇଣ୍ଡିଆକୁ ବିଦାୟ କହିବେ ଧୋନି । ଏହାପରେ ଧୋନି ଟିମ ମୋଦିରେ ହେବେ ସାମିଲ । 'ଇଟିଭି ଭାରତ'କୁ ପ୍ରତିକ୍ରିୟା ଦେଇ ଏଭଳି କହିଛନ୍ତି ବିଜେପି ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ସଞ୍ଜୟ ପାଶୱାନ । ତେବେ ସୂଚନାଥାଉ କି, ବିଶ୍ବକପ ସେମିଫାଇନାଲରେ ଭାରତୀୟ ଦଳର ଅପ୍ରତ୍ୟାଶିତ ପରାଜୟ ପରେ ଧୋନିଙ୍କ ଅବସରକୁ ନେଇ ଚର୍ଚ୍ଚା ଜୋର ଧରିଛି । ମାତ୍ର ଅବସରରକୁ ନେଇ ଏଯାଏଁ ଧୋନି କୌଣସି ପ୍ରତିକ୍ରିୟା ରଖି ନାହାନ୍ତି ।
ଭିଡିଓ ସୌଜନ୍ୟ- ବ୍ୟୁରୋ ରିପୋର୍ଟ
ବିଜେପି ନେତା ସଞ୍ଜୟ ପାଶୱାନଙ୍କ କହିବା ଅନୁସାରେ, ଧୋନି ବିଜେପିରେ ମିଶିବା ନେଇ ତାଙ୍କ ସହ ଆଲୋଚନା ଚାଲିଛି । ଧୋନିଙ୍କ ଅବସରର ପରେ ଧୋନିଙ୍କ ବିଜେପିରେ ମିଶ୍ରଣ ଏକ ପ୍ରକାର ସ୍ପଷ୍ଟ ହୋଇଯିବ । ତେବେ ଦେଶ ପାଇଁ କ୍ରିକେଟ ମାଧ୍ୟମରେ ଧୋନି ଅନେକ ବର୍ଷ ହେଲା ସେବା କରିଆସୁଛନ୍ତି । ଏବେ ଭାରତୀୟ ଜନତା ପାର୍ଟିରେ ସାମିଲ ହୋଇ ଦେଶର ସେବା କରିବେ ।