ହାଇଦ୍ରାବାଦ: ଟିମ ଇଣ୍ଡିଆର ପୂର୍ବତନ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କୁ ନେଇ ସ୍ପିଜଷ୍ଟାର ଆଶିଷ ନେହେରାଙ୍କ ବଡ ବୟାନ । ନେହେରା କହିଛନ୍ତି ଧୋନି ଆରମ୍ଭରୁ ଜଣେ ଭଲ ୱିକେଟ କିପର ନଥିଲେ । ଏମିତିକି ପୂର୍ବରୁ ଖେଳିଥିବା ୱିକେଟ କିପରଙ୍କ ପରି ଧୋନି କିପିଂ କରୁନଥିଲେ । ପୂର୍ବତନ ୱିକେଟ କିପର ନୟନ ମୋଙ୍ଗିଆଙ୍କ ୱିକେଟକିପିଂରେ ସମକକ୍ଷ ବି ନଥିଲେ ଧୋନି । ମାତ୍ର ଦିନେଶ କାର୍ତ୍ତିକ ଓ ପାର୍ଥିବ ପଟେଲ ଯାହା କରପାରିନଥିଲେ ଧୋନି ତାହା କରି ଦେଖାଇଥିଲେ ବୋଲି କହିଛନ୍ତି ନେହେରା । ଧୋନିଙ୍କ ଶାନ୍ତ ସ୍ବଭାବ, ଆକ୍ରମଣାତ୍ମକ ଶୈଳୀ ଓ ମ୍ୟାଚର ସ୍ଥିତି ଅନୁଯାୟୀ ବ୍ୟାଟିଂ କରିବା ତାଙ୍କୁ ସମସ୍ତଙ୍କ ଠାରୁ ସ୍ବତନ୍ତ୍ର କରିଥିଲା ।
ଆଜିକୁ ଠିକ 15 ବର୍ଷ ତଳେ 2005 ଏପ୍ରିଲ 5 ତାରିଖରେ ବିଶାଖାପାଟନମରେ ଧୋନି ପ୍ରଥମ ଅନ୍ତର୍ଜାତୀୟ ଶତକ ହାସଲ କରିଥିଲେ । ପାକିସ୍ତାନ ବିପକ୍ଷରେ 123 ବଲରେ 148 ରନର ଇଂନିସ ତାଙ୍କ କ୍ରିକେଟ କ୍ୟାରିରକୁ ବଦଳାଇ ଦେଇଥିଲା କହିଛନ୍ତି ନେହେରା । ସେହି ମ୍ୟାଚରେ ଦମଦାର ବୋଲି କରି ନେହେରା 4ଟି ୱିକେଟ ହାସଲ କରିଥିଲେ । ଫଳରେ ଭାରତ 58 ରନରେ ପାକିସ୍ତାନକୁ ମାତ ଦେଇଥିଲା ।