ଶାରଜାହ: ଚଳିତ ସଂସ୍କରଣରେ ଶନିବାର ଠାରୁ ଆରମ୍ଭ ହୋଇଯାଇଛି ଡବଲ ହେଡର ମ୍ୟାଚ । ଗତକାଲି ଡବଲ ହେଡରର 2ୟ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ସାନଦାର ପ୍ରଦର୍ଶନ କରି କେକେଆର ଦଳକୁ 18ରନ୍ରେ ମାତ୍ ଦେଇଛି । ପୃଥ୍ବୀ ଶ'66ରନ୍ର ଇଂନିସ ଓ ଅଧିନାୟକ ଶ୍ରେୟସ ଆୟର ଅପରାଜିତ 38ବଲରୁ 88ରନ ପାଳି ବଳରେ ଦିଲ୍ଲୀ କ୍ୟାପିଟାଲ୍ସ ବଡ ସ୍କୋର କରିବାରେ ସଫଳ ହୋଇଥିଲେ । 229ର ବିଜୟଲକ୍ଷ୍ୟକୁ ପିଛା କରି ପାରିନଥିଲା ଦିନେଶ କାର୍ତ୍ତିକଙ୍କ ଦଳ । 20 ଓଭରରେ 8ଟି ଓ୍ବିକେଟ ହରାଇ 210ରନ ହିଁ କରାପାରିଥିଲା କୋଲକାତା ନାଇଟ ରାଇଡର୍ସ । ତେବେ ଏହି ରୋମାଞ୍ଚକର ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଶ୍ରେୟାସ ଆୟରଙ୍କୁ ମ୍ୟାନ ଅଫ ଦି ମ୍ୟାଚ ମିଳିଛି
ଶନିବାରର 2ୟ ମ୍ୟାଚରେ ଟସ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା କେକେଆର । ତେବେ ଦିଲ୍ଲୀର ଓପନିଂ ପାଇଁ ଗ୍ରାଉଣ୍ଡକୁ ଆସିଥିଲେ ଶିଖର ଧୱନ ଓ ପୃଥ୍ବୀ ଶ'। ଏହି ଯୋଡି ପୃଥ୍ବୀ ଶ'(66) ଓ ଶିଖର ଧୱନ(26) ଦଳକୁ ଭଲ ଆରମ୍ଭ ଦେଇଥିଲେ । ଧୱନଙ୍କ ଆଉଟ ହେବା ପରେ ଦଳ ଅଧିନାୟକ ଶ୍ରେୟସ ଆୟର ଅପରାଜିତ 38ବଲରୁ 88ରନ ପାଳି ଖେଳିଥିଲେ । ତାଙ୍କର ଏହି ପାଳିରେ 6ଟି ଛକା ଓ 7ଟି ଚୌକା ସାମିଲ ରହିଛି । ସେହିପରି ପରେ ଯୁବ ଋଷବ ପନ୍ତ ମଧ୍ୟ 17 ବଲରୁ 38ରନ ପାଳି ଖେଳିଛନ୍ତି । ତେବେ ନିର୍ଦ୍ଧାରିତ ଓଭରରେ ଦିଲ୍ଲୀ 4ଟି ଓ୍ବିକେଟ ହରାଇ 228ରନ କରିଥିଲା