ଦୁବାଇ: ଆଇପିଏଲ 2020 ପାଇଁ ୟୁଏଇରେ ଆଜିଠୁ ଅଭ୍ୟାସ ଆରମ୍ଭ କରିବ ଚେନ୍ନାଇ ସୁପର କିଙ୍ଗ୍ସ । କୋରୋନା ପଜିଟିଭ ଚିହ୍ନଟ ହୋଇଥିବା ଦୁଇ ଖେଳାଳି ଦୀପକ ଚହର ଓ ରୁତୁରାଜ ଗାଏକ୍ବାଡଙ୍କ ବ୍ୟତୀତ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କ ସମେତ ଚେନ୍ନାଇ ସୁପରକିଙ୍ଗ୍ସର ସଂପୂର୍ଣ୍ଣ ସ୍କ୍ବାଡ ଅଭ୍ୟାସ ଆରମ୍ଭ କରିବେ ।
ଶୁକ୍ରବାର ସନ୍ଧ୍ୟାରେ ଖେଳାଳିଙ୍କ ତୃତୀୟ ରାଉଣ୍ଡ କୋଭିଡ ଟେଷ୍ଟ କରାଯାଇଥିଲା । ରିପୋର୍ଟ ନେଗେଟିଭ ପରେ ଅଭ୍ୟାସ ପାଇଁ ଅନୁମତି ମିଳିଛି । ଏହି ଫଳାଫଳ ଫ୍ରାଞ୍ଚାଇଜ ପାଇଁ ଆଶ୍ବସ୍ଥିକର ହୋଇଛି ପୂର୍ବରୁ ଗତ ସପ୍ତାହରେ ଟିମର 13 ସଦସ୍ୟ ପଜିଟିଭ ଚିହ୍ନଟ ହୋଇଥିଲେ । ଏହି 13 ସଦସ୍ୟଙ୍କ ବ୍ୟତୀତ ଅନ୍ୟ ସମସ୍ତ ସଦସ୍ୟଙ୍କର ରିପୋର୍ଟ 3ୟ ଥର ପାଇଁ ନେଗେଟିଭ ରହିଛି । ପଜିଟିଭ ଚିହ୍ନଟ ହୋଇଥିବା ଦୁଇ ଖେଳାଳିଙ୍କର ଦୁଇ ସପ୍ତାହର ଆଇସୋଲେସନ ସମୟ ଶେଷ ପରେ ପୁନର୍ବାର ଟେଷ୍ଟ ହେବ । ସିଏସକେ ସିଇଓ କେଏସ ବିଶ୍ବନାଥନ ଏନେଇ ସୂଚନା ଦେଇଛନ୍ତି ।