ହାଇଦ୍ରାବାଦ: କ୍ରିକେଟ କିମ୍ବଦନ୍ତୀ ତଥା 'ଲିଟିଲ ମାଷ୍ଟର' ସୁନୀଲ ଗାଭାସ୍କର 71 ବର୍ଷରେ ପାଦ ଦେଇଛନ୍ତି । ଫଳରେ କ୍ରୀଡା ସମୁଦାୟ ଗାଭାସ୍କରଙ୍କୁ ସୋସିଆଲ ମିଡିଆ ମାଧ୍ୟମରେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
କ୍ରିକେଟ ଦୁନିଆର ସର୍ବକାଳୀନ ଶ୍ରେଷ୍ଠ ବ୍ୟାଟ୍ସମ୍ୟାନଙ୍କ ମଧ୍ୟରେ ଗାଭାସ୍କର ଅନ୍ୟତମ । ଏକାଧିକ ବିରଳ ରେକର୍ଡ ସହ ବିଶ୍ବକପ ବିଜେତା ଦଳର ସଦସ୍ୟ ମଧ୍ୟ ରହିଛନ୍ତି ।
କ୍ରିକେଟ ଆଇକନ ସଚିନ ତେନ୍ଦୁଲକର ଗାଭାସ୍କରଙ୍କୁ ଆଦର୍ଶ ବୋଲି କହିଛନ୍ତି । "1987ରେ ପ୍ରଥମ ଥର ମୋର ଆଦର୍ଶଙ୍କୁ ଭେଟିଥିଲି, ମାତ୍ର 13 ବର୍ଷ ବୟସରେ, ବିଶ୍ବାସ ହେଉନଥିଲା ତାଙ୍କ ସହ ଭେଟ ହୋଇଛି, 71ତମ ଜନ୍ମଦିନର ଅନେକ ଶୁଭେଚ୍ଛା ସାର୍ । ସୁସ୍ଥ ଓ ନିରାମୟ ଜୀବନର କାମନା ।" ଗାଭାସ୍କରଙ୍କ ଉଦ୍ଦେଶ୍ୟରେ ଏମିତି କିଛି ଟ୍ବିଟ କରିଛନ୍ତି ସଚିନ ।
ବର୍ତ୍ତମାନର ଟିମ ଇଣ୍ଡିଆ ଭାଇସ-କ୍ୟାପଟେନ ଅଜିଙ୍କ୍ୟ ରାହାଣେ, କ୍ରିକେଟର-କମେଣ୍ଟଟର ସଞ୍ଜୟ ମଞ୍ଜ୍ରେକର, ଭେଟରାନ ମଦନ ଲାଲ ସହ ଅନେକ କ୍ରିକେଟର ଫ୍ୟାନ୍ସ ଶୁଭେଚ୍ଛା ଜଣାଇଛନ୍ତି । ଏଥିସହିତ ବିସିସିଆଇ ଓ ଆଇସିସି ପକ୍ଷରୁ ମଧ୍ୟ ଭେଟେରାନ ଗାଭାସ୍କରଙ୍କୁ ଶୁଭେଚ୍ଛା ବାର୍ତ୍ତା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
