କୋରୋନା ଭାଇରସ: ଲକଡାଉନରେ ଘର ସଫା କରୁଛନ୍ତି ବୁମରା

କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ସାରା ଦେଶରେ 21 ଦିନ ଯାଏଁ ଲାଗୁ ହୋଇଛି ଲକଡାଉନ । ଟିମ ଇଣ୍ଡିଆର ସ୍ପିଡଷ୍ଟାର ଜଶପ୍ରୀତ ବୁମରା ଏହି ଲକଡାଉନରେ ନିଜ ଘର ସଫା କରୁଥିବାର ନଜର ଆସିଛନ୍ତି ।

ମୁମ୍ବାଇ: କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ସାରା ଦେଶରେ 21 ଦିନ ଯାଏଁ ଲାଗୁ ହୋଇଛି ଲକଡାଉନ । ସମସ୍ତଙ୍କୁ ଘରେ ସସୁରକ୍ଷିତ ରହିବାକୁ ପ୍ରଧାନମନ୍ତ୍ରୀ ମୋଦି ଅପିଲ କରିଛନ୍ତି ।

ଟିମ ଇଣ୍ଡିଆର ସ୍ପିଡଷ୍ଟାର ଜଶପ୍ରୀତ ବୁମରା ଏହି ଲକଡାଉନରେ ନିଜ ଘର ସଫା କକରୁଥିବାର ନଜର ଆସିଛନ୍ତି । ସୋସିଆଲ ମିଡିଆରେ ବୁମରା ଘର ସଫା କରୁଥିବାର ଭିଡିଓ ନିଜେ ପୋଷ୍ଟ କରିଛନ୍ତି । ଏହିକାମରେ ତାଙ୍କ ମାଆ ଖୁସି ହୋଇଛନ୍ତି ବୋଲି ଲେଖିଛନ୍ତି । କୋରୋନା ଭାଇରସ ବିଶ୍ବ କ୍ରୀଡାଜଗତକୁ ସଂପୂର୍ଣ୍ଣ ପ୍ରଭାବିତ କରିଛି । କ୍ରିକେଟ ସମେତ ପ୍ରାୟ ସମସ୍ତ ପ୍ରକାର କ୍ରୀଡା ଇଭେଣ୍ଟ ବିଶ୍ବବ୍ୟାପୀ ବନ୍ଦ ରହିଛି ।