କୋରୋନା ସହାୟତା: କ୍ରିକେଟ କିଟ ନିଲାମ କରିବେ ଆଣ୍ଡରସନ

କୋରୋନା ସହାୟତା ପାଇଁ ନିଜ କ୍ରିକେଟ ସରଞ୍ଜାମ ନିଲାମ କରିବେ ଇଂଲଣ୍ଡ ପେସର ଜେମ୍ସ ଆଣ୍ଡରସନ । ଅଟୋଗ୍ରାଫ ଥିବା ଟେଷ୍ଟ ସାର୍ଟ, କ୍ରିକେଟ ଓ ବ୍ୟାଟ ଓ ୱିକେଟକୁ ନିଲାମ କରିବାକୁ ଟ୍ବିଟ ଯୋଗେଁ ଘୋଷଣା କରିଛନ୍ତି ଆଣ୍ଡରସନ ।

ଲଣ୍ଡନ: କୋରୋନା ସହାୟତା ପାଇଁ ନିଜ କ୍ରିକେଟ ସରଞ୍ଜାମ ନିଲାମ କରିବେ ଇଂଲଣ୍ଡ ପେସର ଜେମ୍ସ ଆଣ୍ଡରସନ । ଅଟୋଗ୍ରାଫ ଥିବା ଟେଷ୍ଟ ସାର୍ଟ, କ୍ରିକେଟ ଓ ବ୍ୟାଟ ଓ ୱିକେଟକୁ ନିଲାମ କରିବାକୁ ଟ୍ବିଟ ଯୋଗେଁ ଘୋଷଣା କରିଛନ୍ତି ଆଣ୍ଡରସନ ।

37 ବର୍ଷିୟ ଆଣ୍ଡରସନ ଶେଷ ଟେଷ୍ଟ ମ୍ୟାଚ ଚଳିଚତ ବର୍ଷ ଜାନୁଆରୀରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳିଥିଲେ । କେପଟାଉନରେ ଖେଳାଯାଇଥିବା ଏହି ମ୍ୟାଚରେ ଦମଦାର ପ୍ରଦର୍ଶନ ସହ 7ଟି ୱିକେଟ ଅକ୍ତିଆର କରିଥିଲେ । ଫଳରେ ଇଂଲଣ୍ଡ 189 ରନର ବଡ ବ୍ୟବଧାନରେ ବିଜୟୀ ହୋଇଥିଲା ।

ଆଣ୍ଡରସନ 151ଟି ଟେଷ୍ଟରୁ 26.83 ହାରରେ 584 ୱିକେଟ ହାସଲ କରିଛନ୍ତି ।

ପୂର୍ବରୁ ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ଓ ଦକ୍ଷିଣ ଆଫ୍ରିକାର ଏବି ଡିଭିଲିୟର୍ସ ନିଜର ଆଇପିଏଲ କିଟ ନିଲାମ ପାଇଁ ଘୋଷଣା କରିଛନ୍ତି । ଲୋକେଶ ରାହୁଲ ଓ ସାକିବ ଅଲ ହସନ ମଧ୍ୟ ନିଜର ବିଶ୍ବକପ ବ୍ୟାାଟ ନିଲାମ କରି କୋରୋନା ସହାୟତା ପ୍ରଦାନ କରିଛନ୍ତି ।