ଅହମ୍ମଦାବାଦ: ଦ୍ରୁତ ବୋଲର ଯଶପ୍ରୀତ ବୁମରା ଖେଳିବେ ନାହିଁ ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟ । ବ୍ୟକ୍ତିଗତ କାରଣ ଦର୍ଶାଇ ଚତୁର୍ଥ ଟେଷ୍ଟପୂର୍ବରୁ ସ୍କ୍ବାଡରୁ ରିଲିଜ କରିବାକୁ ବୋର୍ଡକୁ ଅନୁରୋଧ କରିଥିଲେ ବୁମରା ।
ଏହାପରେ ବୁମରାଙ୍କ ଅନୁରୋଧ ରକ୍ଷା କରି ସ୍କ୍ବାଡରୁ ରିଲିଜ କରିଛି ବିସିସିଆଇ । ଏନେଇ ବୋର୍ଡ ପକ୍ଷରୁ ଏକ ଘୋଷଣାନାମା ଜାରି କରାଯାଇ ସୂଚନା ଦିଆଯାଇଛି । ବିସିସିଆଇ ସମ୍ପାଦକ ଜୟ ଶାହ ମଧ୍ୟ ଏକ ପ୍ରେସ ବିଜ୍ଞପ୍ତି ଜରିଆରେ ଜଣାଇଛନ୍ତି । ତେବେ ବୁମରାଙ୍କ ସ୍ଥାନରେ ଅନ୍ୟ କୌଣସି ଖେଳାଳିଙ୍କୁ ଶେଷ ଟେଷ୍ଟ ପାଇଁ ଭାରତୀୟ ସ୍କ୍ବାଡରେ ସାମିଲ କରାଯିବ ନାହିଁ ବୋଲି ବୋର୍ଡ ସ୍ପଷ୍ଟ କରିଛି ।