ଦୃଷ୍ଟି ବାଧିତ ଆନ୍ତଃଜିଲ୍ଲା କ୍ରିକେଟ ଟୁର୍ଣ୍ଣାମେଣ୍ଟ: କୋରାପୁଟ ବିଜୟୀ

କୋରାପୁଟ ଓ ନବରଙ୍ଗପୁର ଜିଲ୍ଲାର ଦୃଷ୍ଟି ବାଧିତ ପିଲାଙ୍କ ମଧ୍ୟରେ ଅନୁଷ୍ଠିତ ଏହି ମ୍ୟାଚରେ କୋରାପୁଟ ଦଳ ବିଜୟ ଲାଭ କରିଛି ।

କୋରାପୁଟ: ସ୍ଥାନୀୟ ନିଶାଣୀମୁଣ୍ଡା ପଡ଼ିଆରେ ଏଲିଟ ଇଣ୍ଡୋର କ୍ରୀଡା କ୍ଲବ ଆନୁକୂଲ୍ୟରେ ରାଜ୍ୟର ଦୃଷ୍ଟି ବାଧିତ ଶିଶୁଙ୍କ ସର୍ବ ପ୍ରଥମ ଆନ୍ତଃଜିଲ୍ଲା ଟି-20 କ୍ରିକେଟ ମ୍ୟାଚ ଅନୁଷ୍ଠିତ ହୋଇଯାଇଛି । କୋରାପୁଟ ଓ ନବରଙ୍ଗପୁର ଜିଲ୍ଲାର ଦୃଷ୍ଟି ବାଧିତ ପିଲାଙ୍କ ମଧ୍ୟରେ ଅନୁଷ୍ଠିତ ଏହି ମ୍ୟାଚରେ କୋରାପୁଟ ଦଳ ବିଜୟ ଲାଭ କରିଛି ।

ଖେଳାଳି ଓ ଦର୍ଶକଙ୍କ ମଧ୍ୟରେ ଖେଳିଯାଇଥିବା ଆନନ୍ଦକୁ ଅନୁଭବ କରି ଦୃଷ୍ଟି ବାଧିତ କ୍ରିକେଟ ଟିମର ପ୍ରଶିକ୍ଷକ ଚନ୍ଦ୍ରଶେଖର ପଟ୍ଟନାୟକ ରାଜ୍ୟର ଅନ୍ୟ ଭାଗରେ ମଧ୍ୟ ଏପରି ଖେଳର ଆୟୋଜନ ହୋଇପାରିଲେ ଦୃଷ୍ଟି ବାଧିତ କ୍ରିକେଟ ଖେଳାଳିଙ୍କ ମଧ୍ୟରେ ନୂତନ ଉତ୍ସାହ ଭରିଯିବ ବୋଲି ମତପ୍ରଦାନ କରିଛନ୍ତି ।

କୋରାପୁଟରୁ ସିଏଚ୍‌ ଶାନ୍ତାକାର, ଇଟିଭି ଭାରତ