ଦୁବାଇ: ଭାରତୀୟ ଦ୍ରୁତ ବୋଲର ଭୁବନେଶ୍ବର କୁମାର 'ଆଇସିସି ପ୍ଲେଆର ଅଫ ଦ ମନ୍ଥ୍' ପାଇଁ ମନୋନୀତ ହୋଇଛନ୍ତି । ଇଂଲଣ୍ଡ ବିପକ୍ଷ ସୀମିତ ଓଭର ସିରିଜରେ ଭୁବନେଶ୍ବର ଦମଦାର ପ୍ରଦର୍ଶନ କରିଥିଲେ । ଫଳରେ ମାର୍ଚ୍ଚ ମାସ ପାଇଁ ଆଇସିସି ପକ୍ଷରୁ ମାସର ଶ୍ରେଷ୍ଠ ଖେଳାଳି ମନୋନୀତ ହୋଇଛନ୍ତି ।
ଶ୍ରେଷ୍ଠ ପ୍ରଦର୍ଶନକୁ ପୁରସ୍କୃତ କରିବାକୁ ମନୋନୀତ ହୋଇଥିବା ଅନ୍ତର୍ଜାତୀୟ କ୍ରିକେଟର ସମସ୍ତ ଫର୍ମାଟରେ ପୁରୁଷ ଓ ମହିଳା କ୍ରିକେଟରଙ୍କ ନାମ ଗୁରୁବାର ଘୋଷଣା କରିଛି ଆଇସିସି ।
ଭୁବନେଶ୍ବରଙ୍କ ବ୍ୟତୀତ, ପୁରୁଷ ବର୍ଗରେ ଆଫଗାନିସ୍ତାନ ଲେଗ-ସ୍ପିନର ରସିଦ ଖାନ ଓ ଜିମ୍ବାୱେର ସିନ ୱିଲିୟମ୍ସ ରହିଛନ୍ତି ।