ଦିନେଶ କାର୍ତ୍ତିକଙ୍କୁ ବିସିସିଆଇର କାରଣ ଦର୍ଶାଅ ନୋଟିସ

କ୍ରିକେଟର ଦିନେଶ କାର୍ତ୍ତିକଙ୍କୁ ବିସିସିଆଇ କାରଣ ଦର୍ଶାଅ ନୋଟିସ ଜାରି କରିଛି ।

ନୂଆଦିଲ୍ଲୀ: କ୍ରିକେଟର ଦିନେଶ କାର୍ତ୍ତିକଙ୍କୁ ବିସିସିଆଇ ଏକ କାରଣ ଦର୍ଶାଅ ନୋଟିସ ଜାରି କରିଛି । କାରବିୟନ ପ୍ରିମିୟର ଲିଗ(CPL)ର ପ୍ରୋମସନାଲ ଇଭେଣ୍ଟରେ ଫ୍ରାଞ୍ଚାଇଜ ତ୍ରିନବାଗୋ ନାଇଟ ରାଇଡର୍ସ ପକ୍ଷରୁ କାର୍ତ୍ତିକ ଯୋଗ ଦେଇଥିଲେ । ଏହାକୁ ନେଇ ଆପତ୍ତି ଉଠାଇଛି ବିସିସିଆଇ ।

ଫଟୋ ସୌଜନ୍ୟ: ସୋସିଆଲ ମିଡିଆ

ତ୍ରିନବାଗୋ ନାଇଟ ରାଇଡର୍ସ ଦଳର ମାଲିକ ବଲିଉଡ ଷ୍ଟାର ଶାହାରୁଖ ଖାନ ରହିଛନ୍ତି । କାର୍ତ୍ତିକଙ୍କୁ ତ୍ରିନବାଗୋ ନାଇଟ ରାଇଡର୍ସର ଡ୍ରେସିଂ ରୁମରେ ଦେଖାବାକୁ ମିଳିଛି । ଏଥିସହିତ CPLର ପ୍ରଥମ ମ୍ୟାଚ ଏସ ଟି କିଟିସ ଓ ନେଭିସ ପୋର୍ଟ ମ୍ୟାଚରେ କାର୍ତ୍ତିକ ଉପସ୍ଥିତ ଥିଲେ । କାର୍ତ୍ତିକଙ୍କୁ ବ୍ରେଣ୍ଡନ ମାକ୍ୟୁଲମଙ୍କ ସହ ମଧ୍ୟ ଦେଖିବାକୁ ମିଳିଛି।

ତେବେ ଏଥିପାଇଁ କାର୍ତ୍ତିକ ବିସିସିଆଇରୁ ଅନୁମତି ନେଇ ନଥିବା ଜଣାପଡିଛି । ଏହାପରେ ବିସିସିଆଇ ସିଇଓ ରାହୁଲ ଜୋରି କାର୍ତ୍ତିକଙ୍କୁ ଏକ କାରଣ ଦର୍ଶାଅ ନୋଟିସ ଜାରି କରିଛନ୍ତି ।