ନୂଆଦିଲ୍ଲୀ: ଦେଶରେ କେବେ ଫେରିବ କ୍ରିକେଟ ? କୋରୋନା କାଳରେ କିପରି ଖେଳାଯିବ ଘରୋଇ କ୍ରିକେଟ ? କେବେଠାରୁ ଆରମ୍ଭ ହେବ ବିସିସିଆଇର 2020-21 ଘରୋଇ ସିଜିନ ? ଏହି ସମସ୍ତ ପ୍ରଶ୍ନର ଉତ୍ତର ନେଇ ତତ୍ପର ହୋଇଛି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) । କୋରୋନା କାଳରେ କ୍ରିକେଟ ଆରମ୍ଭ ନେଇ ବୁଧବାର ସୁଦ୍ଧା ସମସ୍ତ ରାଜ୍ୟ ବୋର୍ଡଙ୍କ ମତ ଲୋଡିଛି ବିସିସିଆଇ ।
ତେବେ ଅଧିଂକାଶ ରାଜ୍ୟ ସଂଘ ଗୁଡିକ, ପ୍ରଥମେ ସୟଦ ମୁସ୍ତାକ ଅଲ୍ଲୀ ଟି-20 ଟୁର୍ଣ୍ଣାମେଣ୍ଟ ଆରମ୍ଭ ନେଇ ମତରଖିଥିବା ସୂଚନା ମିଳିଛି । ଫଳରେ ଭାରତରେ ଖୁବଶୀଘ୍ର ଘରୋଇ କ୍ରିକେଟ ଆରମ୍ଭ ନେଇ ସଙ୍କେତ ମିଳିଛି ।
ତେବେ ସବୁଠୁ ରୋଚକ କଥା ହେଉଛି, କିଛି ରାଜ୍ୟ ସଂଘ ରଣଜୀ ଟ୍ରଫି ଟି-20 ଇଭେଣ୍ଟ ସହ ରଣଜୀ ଟ୍ରଫି ଖେଳାଯିବାକୁ ନେଇ ମତ ରଖିଛନ୍ତି । ଏଥିସହ 50 ଓଭର ବିଶିଷ୍ଟ ବିଜୟ ହଜାରେ ଟ୍ରଫି ଘରୋଇ ପ୍ରତିଯୋଗୀତା ସପକ୍ଷରେ ମତ ରଖିଛନ୍ତି ।