ନୂଆଦିଲ୍ଲୀ: ଟିମ ଇଣ୍ଡିଆର ନୂଆ ୱିକେଟ କିପର ବ୍ୟାଟ୍ସମ୍ୟାନଙ୍କୁ ପ୍ରଶଂସା କଲେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି । ତେବେ ସୌରଭ ରାହୁଲଙ୍କୁ ନେଇ କହିଛନ୍ତି ଯେ କେବେଳ ଟି-20 କିମ୍ବା ଦିନିକିଆ ନୁହେଁ ଟେଷ୍ଟରେ ମଧ୍ୟ ଏହି ପ୍ରଦର୍ଶନ ଜାରି ରଖନ୍ତୁ ରାହୁଲ । ନ୍ୟୁଜିଲାଣ୍ଡ ବିପକ୍ଷ ଟି-20 ସିରିଜରେ ଋଷଭ ପନ୍ତଙ୍କୁ ବାଦ ଦେଇ କେଏଲ ରାହୁଲଙ୍କୁ ୱିକେଟ କିପର ବ୍ୟାଟ୍ସମ୍ୟାନ ଭାବେ ସ୍ଥାନ ଦେଇଛି ଚୟନ କମିଟି ।
ଗାଙ୍ଗୁଲି କହିଛନ୍ତି ଯେ ‘ରାହୁଲ ଦିନିକିଆ ଓ ଟି-20ରେ ଚମତ୍କାର ପ୍ରଦର୍ଶନ କରିଛନ୍ତି । ସେ ଟେଷ୍ଟ କ୍ରିକେଟରେ ମଧ୍ୟ ଭଲ ଖେଳୁଥିଲେ କିନ୍ତୁ ତାଙ୍କ ପ୍ରଦର୍ଶନ ଧିରେ ଧରେ ଖରାପ ହେବାରେ ଲାଗିଥିଲା । ସୀମିତ ଓଭରରେ ସେ ଖୁବ ଭଲ ପ୍ରଦର୍ଶନ କରୁଛନ୍ତି ତେଣୁ ଆଶା କରୁଛି ଏଥର ଟେଷ୍ଟ କ୍ରିକେଟରେ ମଧ୍ୟ ସେ ଭଲ ପ୍ରଦର୍ଶନ କରିବେ ।