ଦୁବାଇ: ଭାରତ ଗସ୍ତରେ ଆସିବ ଇଂଲଣ୍ଡ । ଅହମ୍ମଦାବାଦ କିମ୍ବା କୋଲକାତାରେ ଭାରତ-ଇଂଲଣ୍ଡ ମଧ୍ୟରେ ଖେଳାଯାଇପାରେ ପିଙ୍କ୍ ଟେଷ୍ଟ । ତେବେ ଟିମ ଇଣ୍ଡିଆର ଅଷ୍ଟ୍ରେଲିଆ ଗସ୍ତ ପରେ ଇଂଲଣ୍ଡ ବିପକ୍ଷ ସିରିଜ ଖେଳାଯିବ ବୋଲି ସ୍ଥିର ହୋଇଛି ।
ଶନିବାର ଭର୍ଚୁଆଲରେ ବସିଥିବା ବିସିସିଆଇ ସର୍ବୋଚ୍ଚ ପରିଷଦ ବୋର୍ଡ ବୈଠକରେ ଏହି ନିଷ୍ପତି ନେଇଥିବା ଜଣାପଡିଛି । ବୈଠକ ଶେଷ ପରେ ଜଣେ ବିସିସିଆଇ ଅଧିକାରୀ ଏହି ସୂଚନା ଦେଇଛନ୍ତି ।
ଇଂଲଣ୍ଡ ବିପକ୍ଷ ସିରିଜ ଜୈବ ସୁରକ୍ଷା ବଳୟରେ ଖେଳାଯିବ । ଏଥିପାଇଁ 3ରୁ 4ଟି ଭେନ୍ୟୁ ଚିନ୍ତା କରାଯାଇଛି । ତେବେ ସିରିଜର ଗୋଟିଏ ଟେଷ୍ଟ ଦିବାରାତ୍ର ଆୟୋଜନ କରିବାକୁ ଯୋଜନା ରହିଛି । ତେବେ ସ୍ଥିତିକୁ ଦେଖି କୋଲକାତା କିମ୍ବା ଅହମ୍ମଦାବାଦରେ ପିଙ୍କ ଟେଷ୍ଟ ଆୟୋଜନ ନେଇ ଚୁଡାନ୍ତ ନିଷ୍ପତ୍ତି ହେବ । ଏହି ସିରିଜ ପରେ ଦେଶରେ ଘରୋଇ କ୍ରିକେଟ ଆରମ୍ଭ ନେଇ ମଧ୍ୟ ଯୋଜନା ରହିଛି ।