ହାଇଦ୍ରାବାଦ:ଆଗାମୀ ମହିଳା ଟି -20 ଚ୍ୟାଲେଞ୍ଜ ପାଇଁ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) 3ଟି ଦଳର ସ୍କ୍ବାଡ ଘୋଷଣା କରିଛି । ହରମନପ୍ରୀତ କୌର, ମିତାଲି ରାଜ ଏବଂ ସ୍ମୃତି ମଦ୍ଧାନା 3 ଦଳର ଅଧିନାୟିକା ରହିଛନ୍ତି । ଏହି ଟୁର୍ଣ୍ଣାମେଣ୍ଟ ନଭେମ୍ବର 4 ରୁ ନଭେମ୍ବର 9 ପର୍ଯ୍ୟନ୍ତ ଖେଳାଯିବ ।
ସୁପରନୋଭାସ୍ ଦଳର ଅଧିନାୟିକା ହରମାନପ୍ରୀତ କୌର ରହିଥିବା ବେଳେ ଟ୍ରେଲବ୍ଲେଜର ଅଧିନାୟିକା ସ୍ମୃତି ମଦ୍ଧାନା ଏବଂ ଭେଲୋସିଟିର ମିତାଲି ରାଜ ରହିଛନ୍ତି । ଏହି ଟୁର୍ଣ୍ମାମେଣ୍ଟରେ ଇଂଲଣ୍ଡ, ଦକ୍ଷିଣ ଆଫ୍ରିକା, ଶ୍ରୀଲଙ୍କା, ୱେଷ୍ଟଇଣ୍ଡିଜ୍, ବାଂଲାଦେଶ ଏବଂ ନ୍ୟୁଜିଲ୍ୟାଣ୍ଡର ତାରକା ମହିଳା କ୍ରିକେଟରମାନେ ଅଂଶଗ୍ରହଣ କରିବେ । ତେବେ ଓଡିଶାର ଅଣ୍ଡର-19 କ୍ରିକେଟର ସୁଶ୍ରୀ ଦିବ୍ୟଦର୍ଶିନୀ ମଧ୍ୟ ଏହି ଟୁର୍ଣ୍ଣାମେଣ୍ଟରେ ସ୍ଥାନ ପାଇଛନ୍ତି । ଉଲ୍ଲେଖନୀୟ କଥା ହେଉଛି, ମହିଳା ଟି -20 ବିଶ୍ୱକପ୍ରେ ଅର୍ଦ୍ଧଶତକ ହାସଲ କରିଥିବା ଥାଇଲାଣ୍ଡର ନାଥକାନ୍ ଚାନ୍ଥମ୍ ଏହି ଟୁର୍ଣ୍ଣାମେଣ୍ଟରେ ପ୍ରଥମ ଥାଇଲାଣ୍ଡ କ୍ରିକେଟର ଭାବେ ପ୍ରବେଶ କରିବେ ।
ଗତ ବର୍ଷର ଫାଇନାଲିଷ୍ଟ ଦଳ ସୁପରନୋଭାସ୍ ଏବଂ ଭେଲୋଟିସି ଚଳିତ ବର୍ଷର ଉଦଘାଟନୀ ମ୍ୟାଚ୍ ଖେଳିବେ । ଯାହା 4 ନଭେମ୍ବରରେ ଖେଳାଯିବ । ଦ୍ୱିତୀୟ ମ୍ୟାଚ୍ 5 ନଭେମ୍ବରରେ ଭେଲୋସିଟି ଏବଂ ଟ୍ରେଲବ୍ଲେଜର ମଧ୍ୟରେ ଅନୁଷ୍ଠିତ ହେବ । ତୃତୀୟ ମ୍ୟାଚ୍ ନଭେମ୍ବର 7 ରେ ଟ୍ରେଲବ୍ଲେଜର ଏବଂ ସୁପରନୋଭାସ୍ ମଧ୍ୟରେ ହେବ ଏବଂ ଏହାର ଅନ୍ତିମ ମ୍ୟାଚ୍ ନଭେମ୍ବର 9 ରେ ଖେଳାଯିବ ।