ମୁମ୍ବାଇ:ଖୁବଶୀଘ୍ର ପୁଣିଥରେ ଧଳା ଜର୍ସିରେ ନଜର ଆସିବେ ଭାରତୀୟ ମହିଳା କ୍ରିକେଟ ଟିମ । ଭେଟେରାନ ମିତାଲି ରାଜଙ୍କ ନେତୃତ୍ବରେ, ଇଂଲଣ୍ଡ ବିପକ୍ଷରେ ଗୋଟିଏ ଟେଷ୍ଟ ମ୍ୟାଚ ଖେଳିବ ଭାରତ ।
ଅନ୍ତର୍ଜାତୀୟ ମହିଳା ଦିବସ ଅବସରରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ସମ୍ପାଦକ ଜୟ ଶାହା ଟ୍ବିଟ ଯୋଗେ ଏନେଇ ଔପଚାରିକ ଘୋଷଣା କରିଛନ୍ତି । ତେବେ ଶାହା ମ୍ୟାଚ ଖେଳାଯିବାକୁ ଥିବା ଭେନ୍ୟୁ ଘୋଷଣା କରିନଥିଲେ ମଧ୍ୟ ଜୁନ୍ କିମ୍ବା ଜୁଲାଇରେ ଭାରତୀୟ ଦଳ ୟୁକେ ଗସ୍ତ ସମୟରେ ଖେଳାଯାଇପାରେ ।