ବାଂଲା କ୍ରିକେଟର ହସନଙ୍କୁ କୋରୋନା

ବ୍ୟାଟ୍ସମ୍ୟାନ ସୈଫ ହସନଙ୍କ ରିପୋର୍ଟ ପଜିଟିଭ ଆସିଛି । ବାଂଲାଦେଶ କ୍ରିକେଟ ବୋର୍ଡ ଏହାର ସୂଚନା ଦେଇଛନ୍ତି ।

ଢାକା: ବାଂଲାଦେଶ କ୍ରିକେଟରଙ୍କୁ କୋରୋନା । ବାଂଲା ବ୍ୟାଟ୍ସମ୍ୟାନ ସୈଫ ହସନଙ୍କ ରିପୋର୍ଟ ପଜିଟିଭ ଆସିଛି । ଏଥିସହ କୋଚ ନିକ୍‌ ଲି ବି ସଂକ୍ରମିତ ହୋଇଛନ୍ତି । ବର୍ତ୍ତମାନ ଉଭୟେ କ୍ବାରେଣ୍ଟାଇନରେ ରହିଛନ୍ତି । ବାଂଲାଦେଶ କ୍ରିକେଟ ବୋର୍ଡ ଏହାର ସୂଚନା ଦେଇଛନ୍ତି ।

ସୂଚନାଥାଉକି, ଅକ୍ଟୋବର-ନଭେମ୍ବର ମଧ୍ୟରେ ଶ୍ରୀଲଙ୍କା ଗସ୍ତ କରିବେ ବାଂଲା ଖେଳାଳି । ଏଥିଲାଗି ଟ୍ରେନିଂ ଚଳିତ ମାସ ଶେଷ ଆଡକୁ ଆରମ୍ଭ ହେବ । ତେବେ ଶିବିରରେ ଯୋଗ ଦେବା ପୂର୍ବରୁ ସମସ୍ତ ସଦସ୍ୟଙ୍କ କୋଭିଡ ପରୀକ୍ଷା ବାଧ୍ୟତାମୂଳକ କରାଯାଇଛି ।