ଦୁବାଇ: 13ତମ ସଂସ୍କରଣରେ ଚମକ ହରାଇଛି ଚେନ୍ନାଇ ସୁପରକିଙ୍ଗ୍ସ । 7ଟି ମ୍ୟାଚରୁ କେବଳ 2ଟି ମ୍ୟାଚରେ ବିଜୟ ହାସଲ କରିଛି ସିଏସକେ । ଶନିବାର ଖେଳାଯାଇଥିବା ଲିଗ୍ର 25ତମ ମ୍ୟାଚରେ ଆରିସିବି ଠାରୁ 37ରନ୍ରେ ପରାସ୍ତ ହୋଇଛି ଚେନ୍ନାଇ ସୁପରକିଙ୍ଗ୍ସ । ତେବେ 90*ରନ୍ର ବିସ୍ଫୋରକ ଇଂନିସ ଯୋଗୁଁ ମ୍ୟାନ ଅଫ ଦି ମ୍ୟାଚ ହୋଇଛନ୍ତି ବିରାଟ ।
ଟସ୍ ଜିତି ଆରସିବି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ନିର୍ଦ୍ଧାରିତ ଓଭରରେ 4ଓ୍ବିକେଟ ହରାଇ ଦଳ 169ରନ ହାସଲ କରିଥିଲା । ଦଳ ପକ୍ଷରୁ ଅଧିନାୟକ ବିରାଟ କୋହଲି 90*ରନର ପାଳି ଖେଳିଥିଲେ । ଓପନର ଦେବଦତ୍ତ 33ରନ୍ କରିଥିବାବେଳେ ଫିଞ୍ଚ 2, ଓ୍ବିସିଂଟନ ସୁନ୍ଦର 10, ଶିଭମ ଦୁବେ 22*ରନ୍ ସଂଗ୍ରହ କରିଥିଲେ ।