ହାଇଦ୍ରାବାଦ: ଅଷ୍ଟ୍ରେଲିଆ କ୍ରିକେଟ ଟିମର ଓପନର ଡେଭିଡ ଓ୍ବାର୍ଣ୍ଣରଙ୍କ ଆଜି 34ତମ ଜନ୍ମଦିବସ । ସେ କଙ୍ଗାରୁ ଦଳର ଏପରି ଜଣେ ଖେଳାଳି ତାଙ୍କ ଦମ୍ରେ ଟିମ ଅନେକଥର ବିଜୟ ସ୍ବାଦ ଚାଖିଛି । ତାଙ୍କ ନେତୃତ୍ବରେ 2016ରେ ସନରାଇଜର୍ସ ହାଇଦ୍ରାବାଦ ଆଇପିଏଲ ଟ୍ରଫି ଜିଣିଥିଲା ।
ଓ୍ବାର୍ଣ୍ଣର ଜାନୁଆରୀ 2009ରେ ସାଉଥଆଫ୍ରିକା ବିପକ୍ଷରେ ନିଜର ଦିନିକିଆ ଓ ଟି-20 କ୍ୟାରିଅର ଆରମ୍ଭ କରିଥିଲେ । 2011ରେ ନ୍ୟୁଜିଲାଣ୍ଡ ବିପକ୍ଷରେ ଟେଷ୍ଟ ଡେବ୍ୟୁ ମ୍ୟାଚ ଖେଳିଥିଲେ । ଅଷ୍ଟ୍ରେଲିଆ କ୍ରିକେଟ ଇତିହାସରେ ସେ ପ୍ରଥମ ଖେଳାଳି ଯିଏ ବିନା ଫାଷ୍ଟ କ୍ଲାସ କ୍ରିକେଟ ଖେଳି ଜାତୀୟ ଦଳରେ ଚୟନ ହୋଇଥିଲେ ଓ ଅନ୍ତର୍ଜାତୀୟ ମ୍ୟାଚରେ ଡେବ୍ୟୁ କରିବାର ସୁଯୋଗ ପାଇଥିଲେ ।
ଓ୍ବାର୍ଣ୍ଣର ଏଯାଏଁ ଅଷ୍ଟ୍ରେଲିଆ ପାଇଁ 84ଟେଷ୍ଟ, 126 ଦିନିକିଆ ଓ 81 ଟି-20 ମ୍ୟାଚ ଖେଳିଛନ୍ତି । ତେବେ ସେ କ୍ରମାଗତ ଭାବେ 7244, 5303 ଓ 2265ରନ୍ ସଂଗ୍ରହ କରିଛନ୍ତି ।