ହାଇଦ୍ରାବାଦ: ଆଗାମୀ ଟି-20 ବିଶ୍ବ କପର ଆୟୋଜକ ହେଉଛି ଅଷ୍ଟ୍ରେଲିଆ । ତେବେ ଆଗାମୀ ବିଶ୍ବକପ ପାଇଁ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନ ଟ୍ବିଟ କରି ନିଜ ଦେଶକୁ ଭାରତୀୟ କ୍ରିକେଟ ପ୍ରେମୀଙ୍କୁ ନିମନ୍ତ୍ରଣ କରିଛନ୍ତି । ଏଥିସହ ଅଷ୍ଟ୍ରେଲିଆ ପର୍ଯ୍ୟଟନ ବିଭାଗର ଏକ ବିଜ୍ଞାପନକୁ ପୋଷ୍ଟ କରିଛନ୍ତି ।
ଭାରତୀୟ କ୍ରିକେଟ ଫ୍ୟାନ୍ସଙ୍କୁ ଆମନ୍ତ୍ରଣ ଦେଲେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ - ସ୍କଟ ମୋରିସନ
ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନ ଭାରତୀୟ କ୍ରିକେଟ ଫ୍ୟାନ୍ସଙ୍କୁ ନିଜ ଦେଶକୁ ନିମନ୍ତ୍ରଣ କରିଛନ୍ତି। ଏହି ଟ୍ବିଟର ରିଟ୍ବିଟ କରି ପିଏମ୍ ମୋଦି କହିଛନ୍ତି ଯେ, ନିଶ୍ଚିତ ରୂପେ ଭାରତୀୟ ଅଷ୍ଟ୍ରେଲିଆ ଗସ୍ତରେ ଯିବେ।
australia
ପ୍ରଧାନମନ୍ତ୍ରୀ ମୋରିସନ ନିଜର ଟ୍ବିଟରେ ଉଲ୍ଲେଖ କରିଛନ୍ତି ଯେ, କାଲି ରାତିର ଟି-20 ମ୍ୟାଚ ଦେଖିବା ପରେ ଆସନ୍ତା ବର୍ଷର ଟି-20 ବିଶ୍ବକପର ଆୟୋଜନକୁ ନେଇ ବେଶ୍ ଉତ୍ସାହିତ ଅଛି । ଅଷ୍ଟ୍ରେଲିଆର ପର୍ଯ୍ୟଟନ ବିଭାଗ ପାଖରେ ଏକ ସାନଦାର୍ ନୂତନ ବିଜ୍ଞାପନ ଅଛି ଯାହା ଭାରତୀୟ କ୍ରିକେଟ ଫ୍ୟାନ୍ସଙ୍କୁ ମୋ ଦେଶ ଆଡକୁ ଟାଣି ଆଣିବ । ତେବେ ଏନେଇ ଆପଣ କ'ଣ ଭାବୁଛନ୍ତି ମୋର ବନ୍ଧୁ ନରେନ୍ଦ୍ର ମୋଦି।
ତେବେ ଏହାର ପ୍ରତିଉତ୍ତର ଦେଇ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ମୋର ପ୍ରିୟ ବନ୍ଧୁ ବ୍ୟକ୍ତିଗତ ଭାବେ ନିମନ୍ତ୍ରଣ କରିଛନ୍ତି । ମୋର ପୂରା ବିଶ୍ବାସ ଅନେକ ପର୍ଯ୍ୟଟକ ଓ କ୍ରିକେଟ ପ୍ରେମୀ ଅଷ୍ଟ୍ରେଲିଆ ଗସ୍ତ ପାଇଁ ଯୋଜନା କରିବେ। ଏହା ସହ ଅଷ୍ଟ୍ରେଲିଆବାସୀଙ୍କୁ ଦୀପାବଳିର ଶୁଭକାମନା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି।