ମେଲବୋର୍ଣ୍ଣ: ବକ୍ସିଂ ଡେ ଟେଷ୍ଟରେ ଭାରତୀୟ ଦମ ଦେଖାଇଲେ ଭାରତୀୟ ବୋଲର । ମେଲବୋର୍ଣ୍ଣ ଟେଷ୍ଟର ପ୍ରଥମ ଦିନରେ ଘରୋଇ ଦଳକୁ 195 ରନରେ ଅଲଆଉଟ କରିଛି ଭାରତ । ଏଥିସହ ପ୍ରଥମ ଦିନ ଖେଳ ଶେଷ ସୁଦ୍ଧା 36 ରନ ସଂଗ୍ରହ କରିନେଇଛି । ଓପନର ମୟଙ୍କ ଅଗ୍ରୱାଲ ଏକମାତ୍ର ଖେଳାଳି ଭାବେ ଆଉଟ ହୋଇଛନ୍ତି ।
କ୍ୟାରିୟରର ପ୍ରଥମ ଟେଷ୍ଟ ମ୍ୟାଚ ଖେଳୁଥିବା ଶୁଭମନ ଗିଲ୍ 28 ଓ ଚେତେଶ୍ବର ପୂଜାରା ରନରେ ଅପରାଜିତ ଅଛନ୍ତି । ଫଳରେ ଅଷ୍ଟ୍ରେଲିଆର ପ୍ରଥମ ଇଂନିସ ଠାରୁ 159 ରନ ପଛରେ ରହିଛି ଭ୍ରମଣକାରୀ ଦଳ ।
ପୂର୍ବରୁ ଟସ ଜିତି ଅଷ୍ଟ୍ରେଲିଆ କ୍ୟାପଟେନ ଟିମ ପେନ ପ୍ରଥମ ବ୍ୟାଟିଂ ନିଷ୍ପତ୍ତି ନେଇଥିଲେ । ଅଷ୍ଟ୍ରେଲିଆ ଚୂଡାନ୍ତ ଏକାଦଶରେ କୌଣସି ପରିବର୍ତ୍ତନ ହୋଇନଥିବାବେଳେ, 4ଟି ପରିବର୍ତ୍ତନ ସହ ଭାରତୀୟ ଟିମ ଦ୍ବିତୀୟ ଟେଷ୍ଟରେ ପଡିଆରୁ ଓହ୍ଲାଇଥିଲା । ନିୟମିତ କ୍ୟାପଟେନ ବିରାଟ କୋହଲିଙ୍କ ସ୍ଥାନରେ ଅଜିଙ୍କ୍ୟ ରାହାଣେ ଅଧିନାୟକ ଦାୟିତ୍ବ ସମ୍ଭାଳିଛନ୍ତି ।