AUS vs IND: ବିରାଟ ବାହିନୀର 20 ପ୍ରତିଶତ ଫି କାଟ୍‌, ଜାଣନ୍ତୁ କାରଣ

ଅଷ୍ଟ୍ରେଲିଆ ଗସ୍ତରେ ଟିମ୍‌ ଇଣ୍ଡିଆ । ପ୍ରଥମ ମ୍ୟାଚ ହାରିବା ପରେ ଟିମ୍‌ ଇଣ୍ଡିଆକୁ ଆଉ ଏକ ଝଟକା ଲାଗିଛି । ମ୍ୟାଚରେ ଧିମା ଓଭର ବୋଲିଂ ଯୋଗୁଁ ଆଇସିସି 20ପ୍ରତିଶତ ମ୍ୟାଚ ଫି କାଟ୍‌ କରିଛି । ଅଧିକ ପଢନ୍ତୁ:

ସିଡନୀ: ଅଷ୍ଟ୍ରେଲିଆ ଗସ୍ତରେ ଟିମ୍‌ ଇଣ୍ଡିଆ । ଶୁକ୍ରବାର ଦିନ ଉଭୟ ଦଳ ମଧ୍ୟରେ ଦିନିକିଆ ସିରିଜର ପ୍ରଥମ ମ୍ୟାଚ ଖେଳାଯାଇଛି । ତେବେ ଏହି ମ୍ୟାଚରେ ଧିମା ଓଭର ବୋଲିଂ ଯୋଗୁଁ ଆଇସିସି 20ପ୍ରତିଶତ ମ୍ୟାଚ ଫି କାଟ୍‌ କରିଛି ।

ଭାରତୀୟ ଦଳ

ମ୍ୟାଚ ରେଫରୀ ଡେଭଡ ବୁନଙ୍କ ସୂଚନାନୁସାରେ, ଭାରତୀୟ ବୋଲର ନିର୍ଦ୍ଧାରିତ ସମୟ ସୀମାରେ ଗୋଟିଏ ଓଭର କମ୍‌ ବୋଲିଂ କରିଥିଲେ । ତେବେ ଅଧିନାୟକ ବିରାଟ କୋହଲି ଭୁଲ୍‌ ସ୍ବୀକାର କରିଥିବାରୁ ଆଗକୁ କୌଣସି ଔପଚାରିକ ଶୁଣାଣିର ଆବଶ୍ୟକତା ନାହିଁ ।

ଆଇସିସି ଆଚାର ସଂହିତାର ଅନୁଚ୍ଛେଦ 2.22 ଅନୁସାରେ ନିର୍ଦ୍ଧାରିତ ସମୟରେ ଓଭର ନ ପକାଇବା କାରଣରୁ ପ୍ରତି ଓଭର ହିସାବରେ ଖେଳାଳିଙ୍କ 20 ପ୍ରତିଶତ ଜୋରିମାନା ଲାଗେ ।

ସୂଚନାଥାଉକି, ଏହି ଦିନିକିଆ ସିରିଜର ପ୍ରଥମ ମ୍ୟାଚକୁ ଅଷ୍ଟ୍ରେଲିଆ ଦଳ 66ରନ୍‌ରେ ଜିଣିଛି । ଆସନ୍ତାକାଲି ଉଭୟ ଦଳ ମଧ୍ୟରେ 2ୟ ମ୍ୟାଚ ଖେଳାଯିବ ।