ସିଡନୀ: ଦୀର୍ଘ 8ମାସ ପରେ ଭାରତୀୟ ଦଳ ଆଜି ଅନ୍ତର୍ଜାତୀୟ କ୍ରିକେଟ ଗ୍ରାଉଣ୍ଡକୁ ଓହ୍ଲାଇଛି । ଅଷ୍ଟ୍ରେଲିଆ ବିପକ୍ଷରେ ସିଡନୀ କ୍ରିକେଟ ଗ୍ରାଉଣ୍ଡରେ ଭାରତ-ଅଷ୍ଟ୍ରେଲିଆ ମଧ୍ୟରେ 3ମ୍ୟାଚ ବିଶିଷ୍ଟ ଦିନିକିଆ ସିରଜର ପ୍ରଥମ ମ୍ୟାଚ ଖେଳାଯାଉଛି । ତେବେ ଘରୋଇ ଅଷ୍ଟ୍ରେଲିଆ ଦଳ ପ୍ରଥମେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଛି । ଏପଟେ 50 ପ୍ରତିଶତ ଦର୍ଶକଙ୍କୁ ଗ୍ରାଉଣ୍ଡରେ ମ୍ୟାଚ ଦେଖିବାର ଅନୁମତି ମିଳିଛି ।
ଏପଟେ ଭାରତୀୟ ଦଳ ନୂଆ ଜର୍ସିରେ ଗ୍ରାଉଣ୍ଡକୁ ଓହ୍ଲାଉଛି । ଏଥିସହ ଉଭୟ ଦଳ ଅଷ୍ଟ୍ରେଲିଆ କ୍ରିକେଟର ଡିନ୍ ସୋନ୍ସଙ୍କ ସମ୍ମାନରେ କଳାପଟି ପିନ୍ଧି ଗ୍ରାଉଣ୍ଡକୁ ଓହ୍ଲାଇଛନ୍ତି । ରୋହିତ ଶର୍ମାଙ୍କ ଅନୁପସ୍ଥିତିରେ ମୟଙ୍କ ଅଗ୍ରଓ୍ବାଲ ଓପୋନିଂ କରିବେ । ଏଥିସହ ବିରାଟ ବାହିନୀଙ୍କ ଚୁଡାନ୍ତ ଏକାଦଶରେ ମନିଷ ପାଣ୍ଡେ, ଶୁଭମନ ଗିଲ, ଶାର୍ଦ୍ଦୁଳ ଠାକୁର, ନଟରାଜନ ଓ ସାମସନଙ୍କୁ ସାମିଲ କରାଯାଉ ନାହିଁ ।