ଲର୍ଡ୍ସ: ସମ୍ମାନଜନକ ଆସେସ ଟେଷ୍ଟ ସିରିଜର ଆଜିଠୁ ଆରମ୍ଭ 2ୟ ମ୍ୟାଚ । ପ୍ରଥମ ମ୍ୟାଚକୁ ଅତିଥି ଅଷ୍ଟ୍ରେଲିଆ କବଜା କଲା ପରେ, ଏହି ମ୍ୟାଚ ଜିତି ସିରିଜ ବରାବର ଲକ୍ଷ୍ୟରେ ଘରୋଇ ଇଂଲଣ୍ଡ ଦଳ । ମାତ୍ର ମ୍ୟାଚ ଆରମ୍ଭ ହେବା ପୂର୍ବରୁ ପୁଣି ବାଧକ ସାଜିଲା ବର୍ଷା । ବିଶ୍ବକପରେ ଇଂଲଣ୍ଡର ଖରାପ ପାଣିପାଗ ଯୋଗୁଁ କିଛି ମ୍ୟାଚ ବାତିଲ ହେବା ପରେ ଏବେ ଆସେସ ସିରିଜ ନେଇ ଘାରିଛି ଚିନ୍ତା । ବର୍ଷା ଯୋଗୁଁ ଏଯାଏ ଟସ ପଡି ପାରିନାହିଁ ।
ତେବେ ଏହି ସଙ୍ଘର୍ଷପୂର୍ଣ୍ଣ ଲଢେଇରେ ଉଭୟ ଦଳ ନିଜ ନିଜର ବୋଲିଂ ବିଭାଗକୁ ଶକ୍ତିଶାଳୀ କରିଛନ୍ତି । ଅଷ୍ଟ୍ରେଲିଆର 12 ଜଣିଆ ଦଳରେ ଷ୍ଟାର୍କ ଓ ହେଜଲଉଡଙ୍କୁ ସାମିଲ କରାଯାଇଛି । ଅନ୍ୟପଟେ ଇଂଲଣ୍ଡ ଦଳ ଜୋଫ୍ରା ଆର୍ଚରଙ୍କୁ ଦଳରେ ସାମିଲ କରିଛି । 2ୟ ଟେଷ୍ଟରେ ସମ୍ଭବତଃ ଆର୍ଚର କ୍ରିକେଟର ଲମ୍ବା ଫର୍ମାଟରେ ଡେବ୍ୟୁ କରିପାରନ୍ତି ।