ବର୍ମିଂହାମ୍: 251ରନର ବୃହତ ବ୍ୟବଧାନରେ ଅତିଥି ଅଷ୍ଟ୍ରେଲିଆ ଜିତିଛି ଆସେସ ସିରିଜର ପ୍ରଥମ ଟେଷ୍ଟ । 5 ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ 1-0ର ଅଗ୍ରଣୀ ଲାଭ କରିଛି କଙ୍ଗରୁ ଦଳ । ତେବେ ସବୁଠାରୁ ବଡ କଥା ହେଲା, ସ୍ଥାନୀୟ ଏଜବାଷ୍ଟନ ଗ୍ରାଉଣ୍ଡରେ ଦୀର୍ଘ 19 ବର୍ଷ ପରେ କୌଣସି ମ୍ୟାଚ ଜିତିଛି ଅଷ୍ଟ୍ରେଲିଆ । ପୂର୍ବରୁ 2001 ମସିହାରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ଷ୍ଟିଭ୍ ୱେ ଏଠାରେ ଏକ ଟେଷ୍ଟ ମ୍ୟାଚ ଜିତିଥିଲେ । ଏଥି ସହିତ ଆଇସିସି ବିଶ୍ବ ଟେଷ୍ଟ ଚମ୍ପିଆନସିପରେ ପ୍ରଥମ ଦଳ ଭାବେ 24 ପଏଣ୍ଟ ହାସଲ କରିଛି । ତେବେ ପ୍ରଥମ ଇଂନିସରେ ଅଗ୍ରଣୀ ଥିବା ସତ୍ତ୍ବେ ମ୍ୟାଚରେ ପରାଜୟ ପାଇଛି ଘରୋଇ ଇଂଲଣ୍ଡ ଦଳ ।
ତେବେ 2ୟ ଇଂନିସରେ ବ୍ୟାଟିଂ କରି ଘରୋଇ ଇଂଲଣ୍ଡ ଆଗରେ 398ରନର ବିଜୟ ଲକ୍ଷ୍ୟ ସେଟ କରିଥିଲା କଙ୍ଗାରୁ ଦଳ । ମାତ୍ର ଦଳର ଦୁଇ ବୋଲର ନାଥନ୍ ଲାୟନ୍ ଓ ପ୍ୟାଟ୍ କ୍ୟୁମିନ୍ସଙ୍କ ଘାତକ ବୋଲିଂ ବଳରେ ମାତ୍ର 146ରନରେ ଧରାଶାୟୀ ହୋଇଥିଲା ଘରୋଇ ଇଂଲଣ୍ଡ । 2ୟ ଇନିଂସ ବୋଲିଂରେ ଅତିଥି ଦଳ ପକ୍ଷରୁ ଲାୟନ୍ 49ରନ ବ୍ୟୟରେ ୬ଟି ଓ କ୍ୟୁମିନ୍ସ ୩୨ ବ୍ୟୟରେ ୪ଟି ୱିକେଟ୍ ହାତେଇଛନ୍ତି ।