ମୁମ୍ବାଇ: କୋରୋନା ସଂକ୍ରମିତ ହେଲେ ପୂର୍ବତନ ଭାରତୀୟ ବ୍ୟାଟସମ୍ୟାନ ଏସ ବଦ୍ରିନାଥ। ଏହାକୁ ନେଇ ବଦ୍ରିନାଥ ଟ୍ବିଟ କରି ସୂଚନା ଦେଇଛନ୍ତି। କୋରୋନା ସଂକ୍ରମିତ ହେବାପରେ ସେ ନିଜ ବାସଭବନରେ କ୍ବାରେଣ୍ଟିନରେ ରହିଛନ୍ତି। ବଦ୍ରିନାଥଙ୍କ ପୂର୍ବରୁ କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକର ଓ ପୂର୍ବତନ ଭାରତୀୟ ଅଲରାଉଣ୍ଡର ୟୁସୁଫ ପଠାନ ମଧ୍ୟ କୋରୋନା ସଂକ୍ରମିତ ହୋଇଥିଲେ। ଏହି ତିନି କ୍ରିକେଟର ରୋଡ ସେଫଟି ୱାର୍ଲଡ ସିରିଜର ଇଣ୍ଡିଆ ଲିଜେଣ୍ଡସ ଦଳର ସଦସ୍ୟ ରହିଥିଲେ।
ବଦ୍ରିନାଥ ଟ୍ବିଟ କରି କହିଛନ୍ତି ଯେ, "ମୁଁ ସମସ୍ତ ସତର୍କତା ଅବଲମ୍ବନ କରୁଥିଲି ଏବଂ ଲଗାତାର କୋରୋନା ଯାଞ୍ଚ ମଧ୍ୟ କରାଉଥିଲା। ତେବେ ଆଜି ମୁଁ କୋରୋନା ପଜିଟିଭ ଚିହ୍ନଟ ହୋଇଛି। ମୋ ଦେହରେ କୋରୋନା ଭାଇରସର ସେଭଳି କିଛି ବିଶେଷ ଲକ୍ଷଣ ଦେଖାଯାଉନଥିଲା। ତେବେ ମୁଁ କୋରୋନାକୁ ନେଇ ସମସ୍ତ ସାବଧାନତା ଆପଣାଇବି। ବର୍ତ୍ତମାନ ମୁଁ ନିଜ ବାସଭବନରେ ଆଇସୋଲେସନରେ ରହିଛି।"