କୋଲକାତା: କ୍ରିକେଟ ଆସୋସିଏସନ ଅଫ ବେଙ୍ଗଲ ସମ୍ପାଦକ ସ୍ନେହାଶିଷ ଗାଙ୍ଗୁଲିଙ୍କ କୋରୋନା ଆକ୍ରାନ୍ତ ହୋଇଥିବା କଥାକୁ ଖଣ୍ଡନ କରିଛି । ପୂର୍ବତନ ଫାଷ୍ଟ କ୍ଲାସ କ୍ରିକେଟର ସମ୍ପୂର୍ଣ୍ଣ ସୁସ୍ଥ ଅଛନ୍ତି କହିଛି ସିଏବି ।
‘‘ଏଠାରେ ସୂଚାଇ ଦିଆଯାଉଛି ଯେ ସିଏବି ସମ୍ପାଦକ ସ୍ନେହାଶିଷ ଗାଙ୍ଗୁଲି ସମ୍ପୂର୍ଣ୍ଣ ସୁସ୍ଥ ଅଛନ୍ତି । ତାଙ୍କର କୋରୋନା ପଜିଟିଭ ହେବା ଖବର ମିଛ ।’’
‘‘ମୁଁ ସମ୍ପୂର୍ଣ୍ଣ ସୁସ୍ଥ ଅଛି ଆଉ ମୁଁ ସବୁଦିନ ଅଫିସ କାମ କରୁଛି । ମୁଁ ଅସୁ୍ସଥ ଥିବା ନେଇ ଘୁରି ବୁଲୁଥିବା ଖବର ଏମିତି ସମୟରେ ଆସିବ ବୋଲି ଆଶା କରି ନଥିଲି,’’ ବୋଲି ସ୍ନେହାଶିଷ ଏକ ବିବୃତ୍ତିରେ କହିଛନ୍ତି । ‘‘ଆଶା କରୁଛି ଏହା ପରେ ଏପରି ଅସତ୍ୟ କଥା ଉପର ରୋକ ଲାଗିବ’’ କହିଛନ୍ତି ସ୍ନେହାଶିଷ ।
ସେପଟେ ଗାଙ୍ଗୁଲିଙ୍କ ପରିବାର ସଦସ୍ୟଙ୍କ କୋଭିଡ଼-19 ପାଇଁ ପଜିଟିଭ୍ ପରୀକ୍ଷା ହୋଇଥିବା ଖବର ଆସିଛି ।
@IANS
