ହାମିଲଟନ: ନ୍ୟୁଜିଲାଣ୍ଡ ମାଟିରେ ଐତିହାସିକ ଟି-20 ସିରିଜ ବିଜୟ ପରେ ଦିନିକିଆ ସିରିଜ ବିଜୟ ଲକ୍ଷ୍ୟରେ ଟିମ ଇଣ୍ଡିଆ । କ୍ରିକେଟର ସମସ୍ତ ଫର୍ମାଟରେ ଭାରତୀୟ ଦଳର ପ୍ରଦର୍ଶନ ଦମଦାର ରହିଛି। ବିଦେଶ ମାଟିରେ ବିଜୟ ରେକର୍ଡକୁ ସଫଳତମ କରିଛି ବିରାଟ ବାହୀନି।
ଟି-20 ସିରିଜ ପରେ ଫୋକସରେ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ । ପ୍ରଥମ ମ୍ୟାଚ ସେଡନ ପାର୍କ, ହାମିଲଟନରେ ଖେଳାଯିବ। ତେବେ ଭେଟେରାନ ଓପନର ରୋହିତ ଶର୍ମାଙ୍କ ବିନା ଖେଳିବ ଭାରତ। ଆହତ କାରଣରୁ ରୋହିତ ଦିନିକିଆ ଓ ଟେଷ୍ଟ ସିରିଜରୁ ବାଦ ପଡିଛନ୍ତି । ଅନ୍ୟପଟେ ନ୍ୟୁଜିଲାଣ୍ଡ ଦଳର ଷ୍ଟାର ବ୍ୟାଟ୍ସମ୍ୟାନ କେନ ୱିଲିୟମସନ ମଧ୍ୟ ଆହତ କାରଣରୁ ଦଳରୁ ବାଦ ପଡିଛନ୍ତି । ଫଳରେ ଟମ ଲାଥମଙ୍କୁ ନ୍ୟୁଜିଲାଣ୍ଡର କ୍ୟାପଟେନ ଦାୟିତ୍ବ ମିଳିଛି । ପୂର୍ବରୁ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ କ୍ୟାପଟେନ ଦାୟିତ୍ବ ତୁଲାଇଥିଲେ ଲାଥମ ।