2011 ବିଶ୍ବକପ ଫିକ୍ସିଂ ମାମଲା: ସାଙ୍ଗାକାରାଙ୍କ ପରେ ଜୟବର୍ଦ୍ଧନେଙ୍କୁ ଜେରା

କୁମାରା ସାଙ୍ଗାକାରାଙ୍କ ପରେ ମାହେଲା ଜୟବର୍ଦ୍ଧନେଙ୍କୁ ସୁଗାଥାଦାସା ଷ୍ଟାଡିୟମରେ କ୍ରୀଡା ମନ୍ତ୍ରଣାଳୟର ସ୍ବତନ୍ତ୍ର ତଦନ୍ତକାରୀ ଟିମ ଜେରା କରିଥିବା ଜଣାପଡିଛି ।

କଲମ୍ବୋ: 2011 କ୍ରିକେଟ ବିଶ୍ବକପ ଫାଇନାଲ ମ୍ୟାଚ ଫିକ୍ସିଂ ମାମଲାରେ ଆଉ ଜଣେ ପୂର୍ବତନ ଶ୍ରୀଲଙ୍କା କ୍ୟାପଟେନଙ୍କୁ ଜେରା କରିଛି ସ୍ବତନ୍ତ୍ର ତଦନ୍ତକାରୀ ସଂସ୍ଥା ।

କୁମାରା ସାଙ୍ଗାକାରାଙ୍କ ପରେ ମାହେଲା ଜୟବର୍ଦ୍ଧନେଙ୍କୁ ସୁଗାଥାଦାସା ଷ୍ଟାଡିୟମରେ କ୍ରୀଡା ମନ୍ତ୍ରଣାଳୟର ସ୍ବତନ୍ତ୍ର ତଦନ୍ତକାରୀ ଟିମ ଜେରା କରିଥିବା ଜଣାପଡିଛି । ଏଥିସହିତ ତାଙ୍କର ବୟାନ ମଧ୍ୟ ରେକର୍ଡ କରାଯାଇଛି । ଜୟବର୍ଦ୍ଧନେ 2011 ବିଶ୍ବକପ ଶ୍ରୀଲଙ୍କା ଟିମର ସଦସ୍ୟ ରହିଥିଲେ । 2011 ଏପ୍ରିଲ 2ରେ ଖେଳାଯାଇଥିବା ଫାଇନାଲ ମ୍ୟାଚରେ ଶତକୀୟ ଇଂନିସ ଖେଳିଥିଲେ ।