ନୂଆଦିଲ୍ଲୀ: ଫଟାଫଟ କ୍ରିକେଟରେ ପୁଣି ଆଫଗାନିସ୍ତାନ କ୍ରିକେଟରଙ୍କ ଦବଦବା । ସଦ୍ୟ ପ୍ରକାଶିତ ଆଇିସିସି ଟି20 ରାଙ୍କିଙ୍ଗରେ ବିଶ୍ବର ନଂ 1 ଅଲରାଉଣ୍ଡର ଭାବେ ସ୍ଥାନ ପାଇଛନ୍ତି ମହମ୍ମଦ ନବି ।
କ୍ରିକେଟରେ ଆଫଗାନ ଜଲୱା, ନମ୍ବର-1 ଅଲରାଉଣ୍ଡର ମହମ୍ମଦ ନବି
ଆଇିସିସି ଟି20 ରାଙ୍କିଙ୍ଗ ବିଶ୍ବର ନଂ 1 ଅଲରାଉଣ୍ଡର ଭାବେ ସ୍ଥାନ ପାଇଛନ୍ତି ଆଫଗାନିସ୍ତାନ କ୍ରିକେଟର ମହମ୍ମଦ ନବି ।
ମହମ୍ମଦ ନବି
ଗତ ଦିନିକିଆ ବିଶ୍ବକପ ପରେ ଆଫଗାନିସ୍ତାନର ଦମଦାର ପ୍ରଦର୍ଶନ ଦେଖିବାକୁ ମିଳିଛି । ଉଭୟ ବ୍ୟାଟିଂ ଓ ବୋଲିଂରେ ଜବରଦସ୍ତ ପ୍ରଦର୍ଶନ କରିଛନ୍ତି ନବି । ବାଂଲାଦେଶ ଅଲରାଉଣ୍ଡର ସାକିବ ଅଲହାସନଙ୍କ ବାସନ୍ଦ ମଧ୍ୟ ନବିଙ୍କ ପାଇଁ ଶ୍ରେଷ୍ଠ ସ୍ଥାନର ସୁଯୋଗ ସୃଷ୍ଟି କରିଛି । 2ୟ ସ୍ଥାନରେ ଅଷ୍ଟ୍ରେଲିଆ ଅଲରାଉଣ୍ଡର ଗ୍ଳେନ ମାକ୍ସୱେଲ ରହିଛନ୍ତି । 3ୟରେ ସ୍କଟଲାଣ୍ଡ ଅଲରାଉଣ୍ଡର ରିଚାର୍ଡ ବେରିଙ୍ଗଟନ ରହିଛନ୍ତି । 4ର୍ଥରେ ବାଂଲାଦେଶ ଟି20 କ୍ୟାପଟେନ ମହମ୍ମଦୁଲ୍ଲା ରହିଛନ୍ତି ।
ତାଲିକାର ଶ୍ରେଷ୍ଠ 10 ଅଲରାଉଣ୍ଡର ମଧ୍ୟରେ 2 ଆୟରଲାଣ୍ଡ କ୍ରିକେଟର, ଜିମ୍ବାୱେ, ଓମାନ କେନିୟା ଓ ୟୁଏଇର ଜଣେ ଲେଖାଏଁ ଖେଳାଳି ରହିଛନ୍ତି । ମାତ୍ର ଆଶ୍ଚର୍ଯ୍ୟଜନକ ଭାବେ କୌଣସି ଭାରତୀୟ କ୍ରିକେଟର, ଅଲରାଉଣ୍ଡର ତାଲିକାର ଶ୍ରେଷ୍ଠ 10 ମଧ୍ୟରେ ସ୍ଥାନ ପାଇନାହାଁନ୍ତି ।