ଆଡିଲେଡ: ସତହେଲା ପୂର୍ବତନ ଅଷ୍ଟ୍ରେଲୀୟ କ୍ୟାପଟେନ ରିକି ପଣ୍ଟିଂଙ୍କ ପୂର୍ବାନୁମାନ । ଗତ ଗୁରୁବାର ଭାରତୀୟ ଯୁବ ଓପନର ପୃଥ୍ବୀ ଶ ଙ୍କ ୱିକେଟ ହାସଲ ନେଇ ପୂର୍ବାନୁମାନ କରିଥିଲେ ପଣ୍ଟିଂ । ସମାନ ଢଙ୍ଗରେ ଭାରତୀୟ ଇଂନିସର ପ୍ରଥମ ଓଭରର ଦ୍ବିତୀୟ ବଲରେ ପୃଥ୍ବଙ୍କ ଅଫଷ୍ଟମ୍ପ୍ ଉଡାଇ ଦେଇଥିଲେ ଅଭିଜ୍ଞ ମିଚେସ ଷ୍ଟାର୍କ ।
ପିଙ୍କ୍ ବଲ ଟେଷ୍ଟ ଆରମ୍ଭ ହେବାଠାରୁ 7 କ୍ରିକେଟ ପକ୍ଷରୁ କମେଣ୍ଟ୍ରୀ ବକ୍ସରେ ଉପସ୍ଥିତ ରହିଛନ୍ତି ପଣ୍ଟିଂ । ପୃଥ୍ବୀ ଶଙ୍କ ବ୍ୟାଟିଂ ଷ୍ଟାଇଲକୁ ନେଇ ସେହିସମୟରେ ଗୁରୁତ୍ବପୂର୍ଣ୍ଣ ଟିପ୍ପଣୀ କରିଥିଲେ ପଣ୍ଟିଂ । ବଲ୍ ସୁଇଂ ହୋଇ ନିଜ ଆଡକୁ ଆସୁଥିବା ବଲ୍ ଖେଳିବା ସମୟରେ ନିଜର ବ୍ୟାଟ ଓ ପ୍ୟାଡ୍ ମଧ୍ୟରେ ଏକ ଗ୍ୟାପ୍ ସୃଷ୍ଟ ହେଉଛି । ଯଦି ଏନେଇ ସେ କାର୍ଯ୍ୟ ନକରନ୍ତି, ତେବେ ଏହା ତାଙ୍କର ୱିକେଟ ହରାଇବାର କାରଣ ହେବ କହିଥିଲେ ପଣ୍ଟିଂ ।
ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ଫ୍ରାଞ୍ଚାଇଜରେ ପଣ୍ଟିଂ, ପୃଥ୍ବୀଙ୍କୁ ପାଖରୁ ପରଖିଛନ୍ତି ।