କେନ୍ଦୁଝର: ଆରମ୍ଭ ହେଲା ତୃତୀୟ ସର୍ବଭାରତୀୟ ସତ୍ୟପ୍ରସନ୍ନ ସ୍ମାରକୀ କ୍ରିକେଟ ଟୁର୍ଣାମେଣ୍ଟ । ଓଡ଼ିଶାର ଅଗ୍ରଣୀ କ୍ରିକେଟ ଏକାଡେମୀ ଶଙ୍କର ସ୍ପୋଟିଂ କ୍ରିକେଟ ଏକାଡେ଼ମୀ ପକ୍ଷରୁ ତୃତୀୟ ସର୍ବଭାରତୀୟ ସତ୍ୟପ୍ରସନ୍ନ ସ୍ମାରକୀ କ୍ରିକେଟ ଆରମ୍ଭ ହୋଇଛି । ସ୍ଥାନୀୟ ମାଇନିଂ ସ୍କୁଲ ପଡିଆରେ ଦିବାରାତ୍ର ହେବାକୁ ଏହି ପ୍ରତିଯୋଗିତା ମାର୍ଚ୍ଚ ୨ ରୁ ଆରମ୍ଭ ହୋଇ ମାର୍ଚ୍ଚ ୮ ପର୍ଯ୍ୟନ୍ତ ଚାଲିବ ।
ତୃତୀୟ ସର୍ବଭାରତୀୟ ସତ୍ୟପ୍ରସନ୍ନ ସ୍ମାରକୀ କ୍ରିକେଟ ଟୁର୍ଣାମେଣ୍ଟ ଉଦଘାଟିତ
ଏହି ପ୍ରତିଯୋଗିତାରେ ମୋଟ ୧୨ ଟି ଦଳ ଅଂଶଗ୍ରହଣ କରିବେ । ସେଥିମଧ୍ୟରୁ ଓଡ଼ିଶାର ୮ଟି ଓ ଓଡିଶା ବାହାରୁ ୪ ଟି ଦଳ ଭାଗ ନେବାର କାର୍ଯ୍ୟକ୍ରମ ରହିଛି । ଚଳିତ ବର୍ଷ ଏକାଡେମୀ ପକ୍ଷରୁ ପ୍ରଥମ ବିଜେତାକୁ ୯ ଫୁଟର ଚମ୍ପିଆନ ଟ୍ରଫି ସହ ଏକ ଲକ୍ଷ ଟଙ୍କା ପୁରସ୍କାର ଅର୍ଥରାଶି ପ୍ରଦେନ କରାଯିବ ।