ନୂଆଦିଲ୍ଲୀ: ପୁରୁଣା ଦିନକୁ ମନେ ପକାଇଛନ୍ତି ଟିମ ଇଣ୍ଡିଆ କ୍ୟାପ୍ଟେନ ବିରାଟ କୋହଲି । ଭାରତର 2014ରେ ଅଷ୍ଟ୍ରେଲିଆ ଗସ୍ତ ବେଳେ ଆଡିଲେଡ ଟେଷ୍ଟକୁ ମନେ ପକାଇ କୋହଲି କହିଛନ୍ତି ଯେ ତାହା ଟିମ୍ ଇଣ୍ଡିଆ ପାଇଁ ଏକ ଗୁରୁତ୍ବପୂର୍ଣ୍ଣ ମାଇଲଖୁଣ୍ଟ ହୋଇ ରହିବ ।
ଡିସେମ୍ବର 9ରୁ 13 ପର୍ଯ୍ୟନ୍ତ ଖେଳାଯାଇଥିବା ବର୍ଡର-ଗାଭାସ୍କର ଟ୍ରଫିର ପ୍ରଥମ ଟେଷ୍ଟରେ ଟିମ ଇଣ୍ଡିଆ ମାଇକେଲ କ୍ଲାର୍କ ଏବଂ ତାଙ୍କ ଦଳକୁ କଡ଼ା ଟକ୍କର ଦେଇଥିଲା । ତେବେ ଟେଷ୍ଟ ମ୍ୟାଚର ଉଭୟ ଇନିଂସରେ କୋହଲିଙ୍କ ଶତକ ହାସଲ କରିବା ସତ୍ତ୍ବେ ଅଷ୍ଟ୍ରେଲିଆ ମ୍ୟାଚ ଜିତିବାକୁ ସକ୍ଷମ ହୋଇନଥିଲେ ।
କୋହଲି ସେହି ଟେଷ୍ଟର ଦୁଇଟି ଫଟୋ ଟ୍ବିଟ କରି କହିଛନ୍ତି, ଟେଷ୍ଟ ଦଳ ଭାବରେ ଆଜି ଆମେ ଯେଉଁ ସ୍ଥାନରେ ପହଁଞ୍ଚିଛୁ ସେହି ଯାତ୍ରାର ଏକ ଗୁରୁତ୍ବପୂର୍ଣ୍ଣ ଟେଷ୍ଟ ଥିଲା 2014ରେ ଅଷ୍ଟ୍ରେଲିଆ ଗସ୍ତ । ଯଦିଓ ଆମେ ଅତି ନିକଟବର୍ତ୍ତୀ ହୋଇ ମଧ୍ୟ ବିଜୟ ରେଖା ଅତିକ୍ରମ କରି ପାରିଲୁ ନାହିଁ, ଏହା ଆମକୁ ଶିକ୍ଷା ଦେଇଛି ଯେ ଯଦି ଆମେ ଏହା ଉପରେ ଧ୍ୟାନ ଦେବା ତେବେ କିଛି ବି ସମ୍ଭବ ହୋଇପାରେ । କାରଣ ଆମେ ଏପରି କିଛି କରିବାକୁ ପ୍ରତିଶ୍ରୁତିବଦ୍ଧ ଥିଲୁ ଯାହା ଆରମ୍ଭ କରିବା କଷ୍ଟକର ମନେ ହେଉଥିଲା କିନ୍ତୁ ପ୍ରାୟ ଆମେ ଏହି ମ୍ୟାଚକୁ ଟାଣି ନେଇଥିଲୁ। ଆମେ ସମସ୍ତେ ଏଥିପ୍ରତି ପ୍ରତିବଦ୍ଧ ଥିଲୁ । ତେଣୁ ଟେଷ୍ଟ ଦଳ ଭାବରେ ଏହା ସର୍ବଦା ଏକ ଖୁବ ଗୁରୁତ୍ବପୂର୍ଣ୍ଣ ମାଇଲଖୁଣ୍ଟ ହୋଇ ରହିବ ।