ଚେନ୍ନାଇ:ବହୁ ପ୍ରତିକ୍ଷୀତ ଆଇପିଏଲ ନିଲାମ ପାଇଁ ପଞ୍ଜୀକରଣ କରିଛନ୍ତି 1097 ଖେଳାଳି । ଫେବ୍ରୁଆରୀ 18ରେ ଅନୁଷ୍ଠିତ ହେବ ବିତ୍ତଶାଳୀ ଟି-20 ଲିଗ୍ର ହାଇଭୋଲଟେଜ ନିଲାମ ପ୍ରକ୍ରିୟା ।
ପଞ୍ଜୀକରଣ କରିଥିବା ଖେଳାଳିଙ୍କ ମଧ୍ୟରୁ ସର୍ବାଧିକ 56 ଜଣ ୱେଷ୍ଟଇଣ୍ଡିଜର ରହିଛନ୍ତି । ପରେ ଅଷ୍ଟ୍ରେଲିଆରୁ 42 ଓ ଦକ୍ଷିଣ ଆଫ୍ରିକାରୁ 38 ଜଣ ପଞ୍ଜୀକରଣ କରିଛନ୍ତି ।
ଗୁରୁବାର ପଞ୍ଜୀକରଣର ଶେଷଦିନ ରହିଥିଲା । ଧାର୍ଯ୍ୟଦିନ ଶେଷ ହେବାପରେ ପଞ୍ଚୀକରଣ କରିଥିବା ଖେଳାଳିଙ୍କ ମଧ୍ୟରେ 21 ଜଣ ଭାରତୀୟ ଖେଳାଳିଙ୍କ ସମେତ, 207 ଜଣ ଅନ୍ତର୍ଜାତୀୟ ଖେଳାଳି ରହିଛନ୍ତି ।