ମୁମ୍ବାଇ: ଚଳିତ ଆଇପିଏଳ ୨୦୨୨ ଟୁର୍ଣ୍ଣାମେଣ୍ଟର(IPL 2022) ୩୮ତମ ମ୍ୟାଚ୍ ଚେନ୍ନାଇ ସୁପରକିଙ୍ଗ୍ସ ଓ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଉଛି । ସୁପରକିଙ୍ଗ୍ସ କ୍ୟାପଟେନ ରବିନ୍ଦ୍ର ଜାଡେଜା ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି । ଫଳରେ ପ୍ରଥମେ ବ୍ୟାଟିଂ କରିବ ମୟଙ୍କ ଅଗ୍ରୱାଲଙ୍କ ପଞ୍ଜାବ ।
ବର୍ତ୍ତମାନ ପଏଣ୍ଟ ଟେବୁଲରେ ପଞ୍ଜାବ କିଙ୍ଗ୍ସ ଅଷ୍ଟମ ସ୍ଥାନରେ ରହିଥିବା ବେଳେ ଚେନ୍ନାଇ ସୁପର କିଙ୍ଗ୍ସ୍ ନବମ ସ୍ଥାନରେ ରହିଛି । ଉଭୟ ଦଳ ୭ଟି ଲେଖାଏଁ ମ୍ୟାଚ୍ ଖେଳିଛନ୍ତି । ପଞ୍ଜାବ ୩ଟି ମ୍ୟାଚ୍ରେ ବିଜୟ ହାସଲ କରି ୬ ପଏଣ୍ଟ ହାସଲ କରିଛି । ସେହିଭଳି ଚେନ୍ନାଇ ଦୁଇଟି ମ୍ୟାଚ୍ରେ ବିଜୟ ହାସଲ କରି ୪ ପଏଣ୍ଟ ହାସଲ କରିଛି । ଉଭୟ ଦଳ ଆଜିରେ ମ୍ୟାଚ୍ରେ ବିଜୟ ହାସଲ କରିବା ସହ ପଏଣ୍ଟ ଟେବୁଲର ଉପରକୁ ଉଠିବାକୁ ଲକ୍ଷ୍ୟ ରଖିଛନ୍ତି ।
ଆଜିର ମ୍ୟାଚ୍ ପାଇଁ ଚେନ୍ନାଇ ଦଳରେ କୌଣସି ପରିବର୍ତ୍ତନ କରାଯାଇନାହିଁ । ସେପଟେ ପଞ୍ଜାବ ଦଳରେ ଆଜି ୩ଟି ପରିବର୍ତ୍ତନ କରାଯାଇଛି । ଶାହାରୁଖ ଖାନ୍, ନାଥାନ ଏଲିସ ଓ ବୈଭବ ଅରୋରାଙ୍କ ସ୍ଥାନରେ ଭାନୁକା ରାଜପକ୍ଷ, ସନ୍ଦୀପ ଶର୍ମା ଓ ଋଷି ଧାୱନଙ୍କୁ ଦଳରେ ସାମିଲ କରାଯାଇଛି ।