ହାଇଦ୍ରାବାଦ: ମହିଳା ପ୍ରିମିୟର ଲିଗରେ ପୂର୍ବତନ ଇଂଲିସ ମହିଳା କ୍ରିକେଟର ଚର୍ଲେଟ ଏଡୱାର୍ଡସଙ୍କୁ ମୁମ୍ବାଇ ଇଣ୍ଡିଆନ୍ସର ମୁଖ୍ୟ ପ୍ରଶିକ୍ଷକ ଭାବରେ ନିଯୁକ୍ତି ମିଳିଛି । ଏହା ପୂର୍ବରୁ ଟିମ ଇଣ୍ଡିଆର ପୂର୍ବତନ କ୍ରିକେଟର ତଥା କିମ୍ବଦନ୍ତୀ ମହିଳା କ୍ରିକେଟର ଝୁଲଣ ଗୋସ୍ବାମୀଙ୍କୁ ବୋଲିଂ କୋଚ ଏବଂ ପରାମର୍ଶଦାତା ଭାବରେ ଘୋଷଣା କରିଥିଲା ମୁମ୍ବାଇ । ସେହିପରି ଭାରତର ପୂର୍ବତନ ଅଲରାଉଣ୍ଡର ଦେବୀକା ପଲଶିକରଙ୍କୁ ମୁମ୍ବାଇ ଇଣ୍ଡିଆନ୍ସର ବ୍ୟାଟିଂ କୋଚ ଦାୟିତ୍ବ ଦିଆଯାଇଛି । ଏବଂ ତ୍ରପୁତି ଚନ୍ଦଗଡକର ଭଟ୍ଟାଚାର୍ଯ୍ୟଙ୍କୁ ଟିମ ମ୍ୟାନେଜର ଭାବରେ ନିଯୁକ୍ତ କରାଯାଇଛି ।
ତେବେ ମହିଳା ପ୍ରିମିୟର ଲିଗର ମୁମ୍ବାଇ ଇଣ୍ଡିଆନ୍ସର ଏହି ନିଯୁକ୍ତି ବାବଦରେ ନୀତା ଆମ୍ବାନୀ କହିଛନ୍ତି "ଚର୍ଲେଟ ଏଡୱାର୍ଡସ, ଝୁଲଣ ଗୋସ୍ବାମୀ,ଦେବୀକା ପଲଶିକରଙ୍କୁ ମୁଁ ମୋ ଫ୍ରାଞ୍ଚାଇଜରେ ସାମିଲ କରି ବେଶ୍ ଉତ୍ସାହିତ ଅଛି । ଟିମରେ ଅଧିକରୁ ଅଧିକ ମହିଳାଙ୍କୁ କେବଳ ଖେଳାଳିଙ୍କ ରୂପରେ ଦେଖିବା ସହିତ ପରୀକ୍ଷକ, ପ୍ରଶାସକ ଏବଂ ସହାୟକ କର୍ମଚାରୀ ଭାବରେ ସେମାନଙ୍କର ଦାୟିତ୍ବ ଏବଂ ପ୍ରଦର୍ଶନକୁ ଦେଖିବା ଏକ ବିଶେଷ କଥା । ଏହି ଟୁର୍ଣ୍ଣାମେଣ୍ଟ ମାଧ୍ୟମରେ ଭାରତର ଅନ୍ୟ ମହିଳାଙ୍କୁ ଖେଳରେ ଅଂଶ ଗ୍ରହଣ କରିବା ପ୍ରେରଣା ମିଳିବ । ମୋର ବିଶ୍ବାସ ରହିଛି କି ଚର୍ଲେଟ ଏଡୱାର୍ଡସ, ଝୁଲଣ ଗୋସ୍ବାମୀ, ଦେବୀକାଙ୍କ ସମର୍ଥନ ଦ୍ବାରା ମହିଳା ପ୍ରିମିୟର ଲିଗରେ ମୁମ୍ବାଇ ଇଣ୍ଡିଆନ୍ସର ପ୍ରତିଷ୍ଠାକୁ ଆଗକୁ ବଢିବ ।"