ମୁମ୍ବାଇ:ଏସିଆ କପ୍ ପାଇଁ ଘୋଷଣା ହେଲା ଭାରତୀୟ ଦଳ । ଆହତଜନିତ ସମସ୍ୟା ଯୋଗୁଁ ଦଳରୁ ଫାଷ୍ଟ ବୋଲର ଜଶପ୍ରୀତ ବୁମ୍ରା ଓ ହର୍ଷଲ ପଟେଲ ବାଦ୍ ପଡ଼ିଛନ୍ତି । ସେପଟେ ସୁସ୍ଥ ହୋଇ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି ଭାରତୀୟ ଓପନର କେ.ଏଲ୍ ରାହୁଲ । ଏସିଆ କପ୍ ପାଇଁ ଆଜି ବସିସିଆଇ ୧୫ ଜଣିଆ ଭାରତୀୟ ଦଳ ଘୋଷଣା କରିଛି ।
ତା ସହିତ ଦଳରେ ୩ ଜଣଙ୍କୁ ଷ୍ଟାଣ୍ଡବାଇଭାବରେ ରଖାଯାଇଛି । ଫାଷ୍ଟ ବୋଲିଂ ଡିପାର୍ଟମେଣ୍ଟ ପାଇଁ ଦଳରେ ଭୁବନେଶ୍ବର କୁମାର, ଅର୍ଶଦୀପ ସିଂହ, ଆଭେଶ ଖାନ୍ ସାମିଲ ରହିଛନ୍ତି । ସେହିଭଳି ସ୍ପିନରଙ୍କ ମଧ୍ୟରେ ଦଳରେ ରବିଚନ୍ଦ୍ରନ ଅଶ୍ବିନ୍, ରବିନ୍ଦ୍ର ଜାଡେଜା, ୟୁଜିବେନ୍ଦ୍ର ଚହଲ, ରବି ବିଷ୍ଣୋଇ ରହିଛନ୍ତି । କ୍ୟାପ୍ଟେନ୍ ରୋହିତ ଶର୍ମା, ବିରାଟ କୋହଲି, କେ.ଏଲ୍ ରାହୁଲ, ସୂର୍ଯ୍ୟ କୁମାର ଯାଦବ, ଦୀପକ ଚହର, ଋଷଭ ପନ୍ତ ଦଳରେ ବ୍ୟାଟିଂ ଦାୟିତ୍ବରେ ରହିବେ । ସେହିଭଲି ଷ୍ଟାଣ୍ଡବାଇରେ ଦଳରେ ଶ୍ରେୟସ ଆୟର, ଅକ୍ଷର ପଟେଲ, ଦୀପକ ଚହରଙ୍କୁ ସାମିଲ କରାଯାଇଛି ।