ମୁମ୍ବାଇ:ବିସିସିଆଇ ପକ୍ଷରୁ ଏକ ଜୁନିଅର ଚୟନ କମିଟି ଗଠନ କରାଯାଇଛି । ଏହାକୁ ନେଇ ବିସିସିଆଇ ଟ୍ବିଟ୍ କରି ସୂଚନା ଦେଇଛି । ପୂର୍ବତନ ତାମିଲନାଡ଼ୁ ଅଧିନାୟକ ଶରତ ଶ୍ରୀଧରଣ ଏହି କମିଟିର ମୁଖ୍ୟ ରହିବେ । ତାମିଲନାଡ଼ୁ ପକ୍ଷରୁ ସେ ପ୍ରଥମ କ୍ରିକେଟର ଭାବରେ ୧୦୦ ରଣଜୀ ମ୍ୟାଚ ଖେଲଛନ୍ତି ।
୧୫ ବର୍ଷର ଘରୋଇ କ୍ରିକେଟ କ୍ୟାରିଅରରେ ଶରତ ଶ୍ରୀଧରଣ ମୋଟ ୮ ହଜାର ୭ଶହ ରନ୍ କରିଛନ୍ତି । ଏଥିରେ ୨୭ଟି ଶତକ ସାମିଲ ରହିଥିବା ବେଳେ ୪୨ଟି ଅର୍ଦ୍ଧ ଶତକ ସାମିଲ ରହିଛି । ସେ ୧୦୦ଟି ପ୍ରଥମ ଶ୍ରେଣୀ କ୍ରିକେଟ ଖେଳି ୫୧.୧୭ ହାରରେ ୩ ହଜାର ରନ୍ ସଂଗ୍ରହ କରିଛନ୍ତି ।