ନୂଆଦିଲ୍ଲୀ:ମ୍ୟାଚ ଫି କୁ ନେଇ ବିସିସିଆଇର ବଡ ଘୋଷଣା ।ପୁରୁଷ କ୍ରିକେଟର ଓ ମହିଳା କ୍ରିକେଟରଙ୍କ ମଧ୍ୟରେ ହଟିଲା ତାରତମ୍ୟ । ସମାନ ହେଲେ ପୁରୁଷ କ୍ରିକେଟର ଓ ମହିଳା କ୍ରିକେଟରଙ୍କ ମ୍ୟାଚ ପାଉଣା । ଏଣିକି ପୁରୁଷଙ୍କ ଭଳି ମହିଳାଙ୍କୁ ମିଳିବ ସମାନ ପାଉଣା । ଏନେଇ ବଡ ଘୋଷଣା କରିଛି ବିସିସିଆଇ । କଣ୍ଟାକ୍ଟ କ୍ରିକେଟର ମ୍ୟାଚ ଫି ସମାନ ହୋଇଛି । ଟେଷ୍ଟ ପାଇଁ 15 ଲକ୍ଷ, ଦିନିକିଆ ପାଇଁ 6 ଲକ୍ଷ ଓ ଟି -ଟ୍ବେଣ୍ଟି ପାଇଁ 3 ଲକ୍ଷ ଟଙ୍କା ମିଳିବ । ଏନେଇ ଟ୍ବିଟ କରି ସୂଚନା ଦେଇଛନ୍ତି ବିସିସିଆଇ ସମ୍ପାଦକ ଜୟ ଶାହ ।
ଟ୍ବିଟ କରି ବିସିସିଆଇ ସମ୍ପାଦକ ଜୟ ଶାହ କହିଛନ୍ତି, ‘‘ଏଣିକି ପୁରୁଷ କ୍ରିକେଟରଙ୍କ ପରି ମହିଳା କ୍ରିକେଟରଙ୍କୁ ସମାନ ପାଉଣା ମିଳିବ । ଏବେ ପୁରୁଷ ଟିମକୁ ଯେତିକି ମ୍ୟାଚ୍ ଫି ମିଳିବ ମହିଳା ଟିମକୁ ମଧ୍ୟ ସେତେକି ଫି ମିଳିବ । ଟେଷ୍ଟ ମ୍ୟାଚ ପାଇଁ 15 ଲକ୍ଷ, ଦିନିକିଆ ମ୍ୟାଚ ପାଇଁ 6 ଲକ୍ଷ ଓ ଟି -ଟ୍ବେଣ୍ଟି ପାଇଁ 3 ଲକ୍ଷ ଟଙ୍କା ମିଳିବ । ଏହା ଘୋଷଣା କରି ଖୁସି ବ୍ୟକ୍ତ କରିଛନ୍ତି ବିସିସିଆଇ ସମ୍ପାଦକ । ବିସିସିଆଇର ଏହା ଏକ ଐତିହାସିକ ନିଷ୍ପତ୍ତି । ଭେଦଭାବ ଦୂର କରିବା ପାଇଁ ବିସିସିଆଇ ନେଇଥିବା ପ୍ରଥମ ପଦକ୍ଷେପକୁ ଘୋଷଣା କରି ମୋତେ ଖୁସି ଲାଗୁଛି । ଆମେ ଆମର ବିସିସିଆଇ ଚୁକ୍ତିଭିତ୍ତିକ ମହିଳା କ୍ରିକେଟରଙ୍କ ସମାନ ଫି ପଲିସି ଆପଣାଇଛୁ । କ୍ରିକେଟରେ ଲିଙ୍ଗଗତ ସମାନତାକୁ ଦୃଷ୍ଟିରେ ରଖି ଉଭୟ ପୁରୁଷ ଓ ମହିଳା ଖେଳାଳିମାନଙ୍କୁ ସମାନ ଫି ଦିଆଯିବାକୁ ନିଷ୍ପତ୍ତି ହୋଇଥିବା’’ କହିଛନ୍ତି ବିସିସିଆଇ ସମ୍ପାଦକ ।