ନୂଆଦିଲ୍ଲୀ: ଆଗକୁ ବାଂଲାଦେଶ ବିପକ୍ଷରେ ଦିନିକିଆ ଓ ଟି-ଟ୍ବେଣ୍ଟି ମ୍ୟାଚ ଖେଳିବ ଭାରତୀୟ ମହିଳା କ୍ରିକେଟ ଦଳ । ବିସିସିଆଇ ବାଂଲାଦେଶ ଗସ୍ତ ନେଇ ଭାରତୀୟ ମହିଳା କ୍ରିକେଟ ଦଳ ଘୋଷଣା କରିଛି । ଉଭୟ ଦିନିକିଆ ଓ ଟି-ଟ୍ବେଣ୍ଟିରେ ଅଧିନାୟକତ୍ବ ନେବେ ହର୍ମନପ୍ରୀତ କୌର । ବାଂଲାଦେଶ ବିପକ୍ଷ ସ୍କ୍ବାଡରୁ ଶିଖା ପାଣ୍ଡେ, ରାଜେଶ୍ବରୀ ଗାଏକ୍ବାଡ, ରିଚା ଘୋଷ ଓ ରେଣୁକା ସିଂହ ପ୍ରମୁଖ ଖେଳାଳି ବାଦ ପଡିଛନ୍ତି ।
ରିଚା ଘୋଷ ଆହତ ଅଛନ୍ତି ତେଣୁ ସେ ସ୍କ୍ବାଡରେ ସ୍ଥାନ ପାଇନାହାନ୍ତି । ମାତ୍ର ରିଚା ଘୋଷ ବାଦ ପଡିବାର କାରଣ ଏ ଯାଏଁ ଜଣାପଡିନାହିଁ । ସେହିପରି ଅପସ୍ପିନର ଶ୍ରେୟଙ୍କା ପାଟିଲଙ୍କୁ ସୁଯୋଗ ମିଳିନାହିଁ । ଗତ ଏମର୍ଜିଂ ଏସିଆ କପରେ ସେ 9ଟି ୱିକେଟ ହାସଲ କରିଥିଲେ । ବାଂଲାଦେଶ ଗସ୍ତରେ ଭାରତୀୟ ମହିଳା ଦଳ 3ଟି ଦିନିକିଆ ଓ 3ଟି ଟି-ଟ୍ବେଣ୍ଟି ଖେଳିବାର କାର୍ଯ୍ୟକ୍ରମ ରହିଛି ।
ଆସନ୍ତା ଜୁଲାଇ 9,11 ଓ 13 ତାରିଖରେ ଟି-ଟ୍ବେଣ୍ଟି ମ୍ୟାଚ ଖେଳିଯିବ । ଏହା ପରେ ଦୁଇ ଦିନର ବିରତି ପରେ ଜୁଲାଇ 16, 19 ଓ 22 ତାରିଖରେ 3ଟି ଦିନିକିଆ ମ୍ୟାଚ ଅନୁଷ୍ଠିତ ହେବ । ସମସ୍ତ 6ଟା ଯାକ ମ୍ୟାଚ ମୀରପୁରରେ ଖେଳାଯିବ । ଉଭୟ ଫର୍ମାଟ ମ୍ୟାଚରେ ହର୍ମନପ୍ରୀତ ନେତୃତ୍ବ ନେବେ ସେହିପରି ଉପଅଧିନାୟିକା ଭାର ସ୍ମୃତି ମାନ୍ଧନାଙ୍କ କାନ୍ଧରେ ରହିଛି । ଏନେଇ ବିସିସିଆଇ ଭାରତୀୟ ମହିଳା ଦଳ ଘୋଷଣା କିରିଛି । ନଜର ପକାନ୍ତୁ ବାଂଲାଦେଶ ପାଇଁ ଭାରତୀୟ ମହିଳା କ୍ରିକେଟ ଦଳ ଉପରେ ।