ଢାକା:ଘରୋଇ ବାଂଲାଦେଶ ବିପକ୍ଷ ପ୍ରଥମ ଟେଷ୍ଟର ପ୍ରଥମ ଇଂନିସରେ ଭାରତର ବ୍ୟାଟଂ ଶେଷ ହୋଇଛି । ଲଢୁଆ ବ୍ୟାଟିଂ କରି ବାଂଲାଦେଶକୁ 405 ରନ ଟାର୍ଗେଟ ଦେଇଛି ଟିମ ଇଣ୍ଡିଆ । ଚେତେଶ୍ବର ପୂଜାରାଙ୍କ 90 ରନ, ଶ୍ରେୟାସ ଆୟରଙ୍କ 86 ରନ, ରବିଚନ୍ଦ୍ରନ ଅଶ୍ବିନୀଙ୍କ 58 ଓ କୁଲଦୀପ ଯାଦବଙ୍କ 40 ରନ ବଳରେ ଟିମ ଇଣ୍ଡିଆ ୪୦୪ ରନ କରି ଅଲଆଉଟ ହୋଇଛି । ଭାରତ ଦେଇଥିବା 405 ରନର ବିଜୟ ଲକ୍ଷ୍ୟ ପିଛା କରୁଛି ବାଂଲାଦେଶ ।
ଭାରତ ଟସ ଜିତି ବ୍ୟାଟିଂ ଆରମ୍ଭ କରିଥିଲା । ବାଂଲାଦେଶ ବୋଲର ଶୃଙ୍ଖଳିତ ବୋଲିଂ କରି ବିପର୍ଯ୍ୟୟ ଘଟାଇଥିଲେ । ଦୁଇ ଓପନର ଶୁଭମନ ଗିଲ ଓ ଲୋକେଶ ରାହୁଲ ସଅଳ ପାଭିଲିୟନ ଫେରିଥିଲେ । ଦଳୀୟ ସ୍କୋର 41ରେ ଏହି ଯୋଡି ଭାଙ୍ଗିଥିଲା । ଶୁଭମନ ଗିଲ 20 ରନ କରି ଆଉଟ ହୋଇଥିବା ବେଳେ ରାହୁଲ 22 ରନ କରିଥିଲେ । ପରେ ପରେ ବିରାଟ କୋହଲି ଆଉଟ ହୋଇଥିଲେ । ମାତ୍ର 1 ରନ କରି ଆଉଟ ହୋଇଥିଲେ କିଙ୍ଗ କୋହଲି । ଦଳୀୟ ସ୍କୋର 48 ବେଳକୁ 3ଟି ୱିକେଟ ପତନ ହୋଇଥିଲା । ଚେତେଶ୍ବର ପୂଜାରା ସଙ୍କଟମୋଚକ ସାଜିଥିଲେ । ତାଙ୍କୁ ସାଥ ଦେଇଥିଲେ ଋଷବ ପନ୍ତ । ପନ୍ତ 45 ବଲ ଖେଳି 46 ରନ କରି ଆଉଟ ହୋଇଥିଲେ । ଏହା ପରେ ଶ୍ରେୟାସ ଆୟର ଆସିଥିଲେ । ଉଭୟ ଆୟର ଓ ପୂଜାରା ଦୃଢ ବ୍ୟାଟିଂ କରି ଦଳୀୟ ସ୍କୋରକୁ ଆଗକୁ ନେଇଥିଲେ । ଉଭୟ ଦର୍ଶନୀୟ ସଟ ଖେଳି ବାଂଲାଦେଶ ବୋଲରଙ୍କୁ ଧରାଶାୟୀ କରିଥିଲେ । ଦୁଇ ଖେଳାଳିଙ୍କ ମଧ୍ୟରେ 149 ଭାଗୀଦାରୀ ହୋଇଥିଲା । ଚେତେଶ୍ବର ପୂଜାରା 203 ବଲ ଖେଳି 90 ରନ କରି ଆଉଟ ହୋଇଥିଲେ । ପ୍ରଥମ ଦିନରେ ଦଳୀୟ ସ୍କୋର 278ରେ ପହଞ୍ଚିଥିଲା । ଭାରତର 6 ୱିକେଟ ପତନ ହୋଇଥିଲା ।