ହାଇଦ୍ରାବାଦ:ଚାଲିଛି ବିବାହ ଋତୁ । ସେଲିବ୍ରିଟିଠୁ ନେଇ କ୍ରିକେଟର ସମସ୍ତେ ଜୀବନର ଆଉ ଏକ ପାହାଚରେ ପାଦ ଥାପୁଛନ୍ତି । ଏହାରି ଭିତରେ ହାତକୁ ଦୁଇ ହାତ ହୋଇଛନ୍ତି ଭାରତୀୟ ସ୍ପିନର ଅକ୍ଷର ପଟେଲ । ଗର୍ଲଫ୍ରେଣ୍ଡ ମେହାଙ୍କୁ ଜୀବନସାଥୀ କରିଛନ୍ତି ଅକ୍ଷର । ବାନ୍ଧବୀ ମେହା ପଟେଲଙ୍କୁ ବିବାହ କରିଛନ୍ତି ଅକ୍ଷର ପଟେଲ । ଅକ୍ଷରଙ୍କ ବାହାଘର ଭିଡିଓ ଓ ଫଟୋ ସୋସିଆଲ ମିଡିଆରେ ଦେଖିବାକୁ ମିଳଛି । କିଛି ଦିନ ତଳେ ଭାରତୀୟ ବ୍ୟାଟର ଲୋକେଶ ରାହୁଲ ବଲିଉଡ ଅଭିନେତ୍ରୀ ଆଥିଆ ସେଠୀଙ୍କୁ ବିବାହ କରିଥିଲେ ।
ଗୁଜୁରାଟରେ ଭଦୋଦରାରେ ଅକ୍ଷର ପଟେଲଙ୍କ ବାହାଘର ଅନୁଷ୍ଠିତ ହୋଇଛି । ତାଙ୍କ ବରଯାତ୍ରୀ ମୁହୂର୍ତ୍ତରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ସେହି ଭିଡିଓରେ ବର ବେଶରେ ଅକ୍ଷର ପଟେଲ ନଜର ଆସିଥିଲେ । ତାଙ୍କ ପରିବାରବର୍ଗ ଏବଂ ସାଙ୍ଗସାଥୀ ବରଯାତ୍ରୀରେ ସାମିଲ ହୋଇଥିବା ଦେଖିବାକୁ ମିଳିଥିଲା । ବାହାଘର ପୂର୍ବରୁ ମେହା ପଟେଲଙ୍କର ମେହେନ୍ଦୀ ଓ ହଳଦୀ କାର୍ଯ୍ୟକ୍ରମ କରାଯାଇଥିଲା । ତେବେ ମେହେନ୍ଦୀ ଉତ୍ସବର କିଛି ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଥିରେ ଜୟଦେବ ଉନାଦକତ ସାମିଲ ହୋଇଥିଲେ । ବର ବେଶରେ ବାନ୍ଧବୀ ମେହାଙ୍କ ହାତ ଧରିଛନ୍ତି ଅକ୍ଷର ପଟେଲ । ଗତବର୍ଷ ଜାନୁଆରୀ 20 ତାରିଖରେ ଅକ୍ଷର ଓ ମେହାଙ୍କ ନିର୍ବନ୍ଧ ହୋଇଥିଲା । ଆଉ ଆଜି ପରିସ୍ପରର ଜୀବନସାଥୀ ହୋଇଛନ୍ତି ।