ମାକେ:ଓପନର ସ୍ମୃତି ମାନ୍ଧାନାଙ୍କ ଦମଦାର ୮୬ ରନ୍ ବଳରେ ଦ୍ବିତୀୟ ଦିନିକିଆରେ ଅଷ୍ଟ୍ରେଲିଆ ମହିଳା ଟିମ ସାମ୍ନାରେ ୨୭୫ ରନ୍ର ବିଜୟ ଲକ୍ଷ୍ୟ ରଖିଲା ଭାରତ । ଶେଷ ଭାଗରେ ବୋଲର ଝୁଲଣ ଗୋସ୍ବାମୀ ମଧ୍ୟ ବ୍ୟାଟ୍ରେ କମାଲ କରିବା ସହିତ ଦ୍ରୁତ ୨୮ ରନ୍ର ଉପଯୋଗୀ ଯୋଗଦାନ କରିଛନ୍ତି । ଫଳରେ ନିର୍ଦ୍ଧାରିତ ୫୦ ଓଭରରେ ୭ ୱିକେଟ ହରାଇ ୨୭୪ ରନ୍ ସଂଗ୍ରହ କରିଛି ମିତାଲି ରାଜ୍ଙ୍କ ଟିମ ।
ମାନ୍ଧାନା ଅର୍ଦ୍ଧଶତକ ହାସଲ କରିବାପରେ ଶତକ ଆଡକୁ ଅଗ୍ରସର ହୋଇଥିଲେ । ମାତ୍ର ଶତକ ଠାରୁ ୧୪ ରନ୍ ଦୂରରେ ରହିଯାଇଥିଲେ । ଅନ୍ୟ ଭାରତୀୟ ବ୍ୟାଟରଙ୍କ ମଧ୍ୟରେ ରିଚା ଘୋଷ ୫୦ ବଲ୍ରୁ ୪୪ ଓ ପୂଜା ବସ୍ତ୍ରକର ୩୭ ବଲ୍ରୁ ୨୯ ରନ୍ର ଇଂନିସ ଖେଳିଥିଲେ ।