କୁଇନ୍ସଲ୍ୟାଣ୍ଡ(ଅଷ୍ଟ୍ରେଲିଆ): ଭାରତ ଓ ଅଷ୍ଟ୍ରେଲିଆ ମହିଳା ଟିମ ମଧ୍ୟରେ ଖେଳାଯାଉଥିବା ଏକମାତ୍ର ଦିବାରାତ୍ର ଟେଷ୍ଟ ଡ୍ର'ରେ ଶେଷ ହୋଇଛି । ରବିବାର ମ୍ୟାଚ୍ର ଚତୁର୍ଥ ଦିନର ଅନ୍ତିମ ସେସନରେ ମିତାଲି ରାଜ ଓ ମେଗ୍ ଲାନିଙ୍ଗ୍ ହାତମିଳାଇବା ପରେ ଡ୍ର ଘୋଷିତ ହୋଇଥିଲା ।
ମ୍ୟାଚ୍ ଡ୍ର' ହେବାପରେ ଉଭୟ ଟିମ ୨ ପଏଣ୍ଟ ଲେଖାଏଁ ହାସଲ କରିଛନ୍ତି । ମଲ୍ଟି ଫର୍ମାଟ ସିରିଜ୍ ଦିନିକିଆ ଓ ଏକମାତ୍ର ଟେଷ୍ଟ ମ୍ୟାଚ୍ ପରେ ଅଷ୍ଟ୍ରେଲିଆ ୬ ଭାରତ ୪ ପଏଣ୍ଟ ହାସଲ କରିଛନ୍ତି ।
ପିଙ୍କ୍ ବଲ୍ ଟେଷ୍ଟରେ ଭାରତ ପାଇଁ ପ୍ରଥମ ଇଂନିସରେ ସ୍ମୃତି ମାନ୍ଧାନା ଓ ଦ୍ବିତୀୟ ଇଂନିସରେ ଶେଫାଳି ବର୍ମା ବ୍ୟାଟ୍ରେ କମାଲ କରିଥିଲେ । ସେହିପରି ବଲ୍ରେ ଝୁଲଣ ଗୋସ୍ବାମୀଙ୍କ ଦମଦାର ପ୍ରଦର୍ଶନ ଦେଖିବାକୁ ମିଳିଥିଲା ।